Keçid linkləri

2017, 25 May, Cümə axşamı, Bakı vaxtı 22:42

ABŞ Mərkəzi Kəşfiyyat İdarəsinin direktoru Wikileaks-i ittiham edir


ABŞ Mərkəzi Kəşfiyyat İdarəsinin direktoru Mike Pompeo

ABŞ Mərkəzi Kəşfiyyat İdarəsinin direktoru Wikileaks saytını və onun qurucusunu “düşmənçilikdə” və Rusiya hərbi kəşfiyyatının ABŞ prezident seçkilərinə müdaxiləsi üçün vasitə olmaqda ittiham edib.

Mike Pompeo bu bəyanatları aprelin 13-də Vaşinqtondakı Strateji və Beynəlxalq Tədqiqatlar Mərkəzində etdiyi çıxışında səsləndirib.

Pompeo-dan başqa bir sıra ABŞ millət vəkilləri və siyasətçiləri də Wikileaks və onun banisi Julian Assange barədə buna bənzər fikır irəli sürüblər.

Ötən il keçirilmiş ABŞ prezident seçkisi zamanı təşkilat Demokratik Partiyanın rəsmilərinə və onların prezidentliyə namizədi Hillary Clinton-a aid elektron məktubları sızdırıb.

ABŞ kəşfiyyat agentlikləri yanvar ayında bildirmişdilər ki, sözü gedən haker müdaxiləsi Clinton-un seçki kampaniyasına ziyan vurmaq və nəticədə Donald Trump-ın qələbəsinə kömək etmək məqsədi güdüb.

ABŞ rəsmiləri Rusiyanın hərbi kəşfiyyat – Baş Kəşfiyyat İdarəsini və ölkənin əsas təhlükəsizlik agentliyi olan Federal Təhlükəsizlik Xidmətini kibermüdaxilələrdə ittiham ediblər.

Trump isə Wikileaks-in müdaxilələrini şərh edərkən demişdi ki, o Clinton-un e-mail-lərinin sızdırılmasından məmnundur.

Günün bütün mövzuları

XS
SM
MD
LG