"Bakı Metropoliteni" QSC-nin mətbuat xidmətinin rəhbəri Bəxtiyar Məmmədov AzadlıqRadiosuna açıqlamasında bildirib ki, qeydə alınan son nasazlıq nadir rast gəlinən texniki haldır. Qurum rəsmisi hazırda texniki problemlərin tam həlli istiqamətində iş aparıldığını vurğulayıb. Məhz bu səbəbdən profilaktik tədbirlərlə əlaqədar metroda qatarların hərəkəti müvəqqəti olaraq şənbə günü qrafikinə uyğun təşkil ediləcək.