Yəməndə husilərin strateji Babül-Məndəb boğazına nəzarət cəhdləri qlobal neft bazarına təsirini getdikcə artırır. Enerji eksperti Ümid Şükrinin fikrincə, bu geosiyasi böhran Azərbaycan üçün həm yeni imkanlar, həm də ciddi risklər vəd edir: "Neftin hər 10 dollar bahalaşması ölkənin ixrac gəlirlərini 3 milyard dollar, büdcə daxilolmalarını isə 1.5–2 milyard dollar artırır. Bununla belə, regional münaqişə təhlükəsizlik xərclərinin və idxal inflyasiyasının yüksəlməsinə rəvac verə bilər. Hazırkı vəziyyətdə əsas risk – müvəqqəti xarakter daşıyan yüksək gəlirlərə arxalanaraq dövlət xərclərini kəskin artırmaqdır. Çünki qiymətlər yenidən 70–80 dollar səviyyəsinə düşərsə, ölkə iqtisadiyyatında ciddi fiskal təzyiqlər yaranacaq".