Azərbaycanda pay torpaqlarının birləşdirilməsinə başlanılır. Rəsmi qurumlar bəyan edir ki, kəndlilərin pay torpaqları həm çox kiçikdir, həm də dağınıq vəziyyətdədir. Belə kiçik sahələrdə traktor işlətmək, su çəkmək və məhsul yetişdirmək kəndliyə baha başa gəlir. Deputatlar bu işin məcburi olmadığını, prosesin yalnız könüllü əsaslarla aparılacağını desələr də, kənd təsərrüfatı eksperti bununla razılaşmır. O, sual edir: "Əgər bu iş könüllüdürsə, hansı kənddə nə qədər torpağın birləşdiriləcəyi niyə indidən planlaşdırılıb və elan edilib?".