Martın 30-da Azərbaycan Ordusunun daha bir əsgəri, 1986-cı ildə anadan olmuş sıravi Fərid Əliyev həlak olub. Hadisə gündüz saat 12 radələrində - Azərbaycan Ordusunun Tovuz rayonunun Əlibəyli kəndi yaxınlığındakı mövqeləri Ermənistan Silahlı Qüvvələri tərəfindən atəşə tutularkən baş verib.
Məlumatı Müdafiə Nazirliyinin Mətbuat Xidməti təsdiqləyib. Məlumata görə, atəş Ermənistanın Berd rayonunun Ayqepar kəndi tərəfindən açılıb.
F.Əliyev hərbi xidmətə 2005-ci ildə Sumqayıtdan çağırılmışdı. Bu, son ayda azərbaycanlı hərbçilərin ölməsilə bağlı altıncı hadisədir.
