Keçid linkləri

Təcili xəbərlər
2020, 24 Sentyabr, Cümə axşamı, Bakı vaxtı 17:30

İran professorlarından təklif: ABŞ viza qadağası tətbiq olunsun


İran prezidenti Hassan Rohani, 1 fevral 2017

İranlı professorlar ölkə rəhbərliyini ABŞ vətəndaşlarına viza qadağası qoymağa çağırıb

İranın bir qrup professoru ölkə prezidenti Hassan Rohani-ni ABŞ rəhbəri Donald Trump-ın “müsəlman qadağası”na eyni cavabı verməyə çağırıb.

Prestijli Sharif Texnologiya Universitetinin 72 professorunun imzaladığı müraciətdə deyilir ki, Trump-ın 7 müsəlman ölkəsi vətəndaşının ABŞ-a girişinə qoyduğu qadağaya cavab olaraq, İran da ABŞ vətəndaşlarına qarşı 90 günlük viza qadağası tətbiq etməlidir.

Onlar bunu Trump-ın sərəncamına qarşı “yaxşı cavab” adlandırıblar, bildiriblər ki, qoy amerikalılar da iranlıların “qonaqpərvərliyini” hiss eləsinlər.

Müraciət prezidentə və ölkənin xarici işlər nazirinə ünvanlanıb.
Donald Trump yanvarın 27-də İran, Liviya, Somali, Sudan, Suriya və Yəmən ölkələrinin vətəndaşlarına 90 günlük viza qadağasının tətbiqi ilə bağlı sərəncam verib.

ABŞ Federal məhkəməsi ölkəyə artıq gələn bu ölkə vətəndaşlarının girişinə imkan yaradıb.

İran Trump-ın sərəncamına cavab olaraq, dollardan imtina etdiyini bildirib.

XS
SM
MD
LG