Beynəlxalq insan haqları təşkilatı – Human Rights Watch Azərbaycanda aparıcı müxalifət liderlərindən Tofiq Yaqublunun azadlıqdan məhrum edilməsini qətiyyətlə pisləyən bəyanat verib.
Bəyanatda deyilir ki, Yaqublunun “qondarma xuliqanlıq ittihamı” ilə 4 il, 3 ay müddətinə azadlıqdan məhrumetmə cəzasına məhkum edilməsi heç bir təccüb doğurmur və əslində “ədalətin lağa qoyulması” deməkdir.
Təşkilat bildirir ki, Azərbaycan hakimiyyəti dəfələrlə öz tənqidçilərindən qisas almaq məqsədilə qanunlardan sui-istifadə edib.
Bəyanatda xatırladırlır ki, hakimiyyətin Yaqublunu siyasi motivli ittihamla məhbus etdiyi ilk dəfə deyilidir.
O 2016-cı ildə həbsxanadan azad edildikdən sonra, bir daha 2019-cu ilin oktyabrında icazəsiz aksiyada iştirakına görə saxlanmışdı.
Human Rights Watch xatırladır ki, martin 22-də Azərbaycan prezidenti İlham Əliyev COVID-19 pandemiyası ilə mübarizədən siyasi müxalifət üzərinə hücum üçün istifadə edəcəyinə siqnal verdikdən sonra polis Yaqublunu həbs edib.
Bəyanatda deyilir ki, Azərbaycan hakimiyyəti vəkillərin bütün vəsatətlərini rədd edib.
Human Rights Watch bildirir ki, son bir neçə ay ərzində Azərbaycanda müxalifətin onlarca nümayndəsi həbs və təqib olunub.
Avropa Şurası və Birləşmiş Ştatlar Azərbaycan hakimiyyətini Tofiq Yaqublunun azad edilməsinə çağırıb.