Keçid linkləri

Təcili xəbərlər
2020, 17 Fevral, Bazar ertəsi, Bakı vaxtı 23:57

'Elina işi'. Yeniyetmənin ölümü necə araşdırılır (Xronologiya)


Bakıda 162 saylı məktəbdə oxuyan Elina Hacıyevanın bu il aprelin 4-də özünü üçüncü mərtəbədən atdığı, yaralı vəziyyətdə xəstəxanaya çatdırılsa da, sonradan (aprelin 6-da) vəfat etdiyi bildirilmişdi.

Hadisə ilə bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb. Şagirdin intihar etdiyi bildirilir və buna səbəb kimi məktəbdə ona pis münasibət bəsləndiyi qeyd olunur. E.Hacıyevanın təhsil aldığı 162 saylı məktəbin direktoru Sevinc Abbasovanın, direktor müavini Lalə Məhərrəmovanın, sinif rəhbəri Çimnaz Mehdiyevanın və həmin təhsil müəssisəsinin psixoloqu Könül Ağayevanın işdən çıxarıldığı açıqlanıb.

«Məktəbin direktoru Sevinc Abbasova Cinayət Məcəlləsinin 143 (təhlükədə qoyma) və 314.2-ci (səhlənkarlıq-ehtiyatsızlıqdan zərərçəkmiş şəxsin ölümünə səbəb olduqda) maddələri ilə təqsirləndirilən şəxs qismində cəlb olunmuş və məhkəmənin qərarı ilə barəsində ev dustaqlığı qətimkan tədbiri seçilib»,-Baş Prokurorluğun açıqlamasında belə yazılmışdı.

Məhkəmənin hazırlıq iclasında bəlli olub ki, istintaqın gedişində 125-ci maddəyə (özünü öldürmə həddinə çatdırma) artıq xitam verilib.

14:40 18.9.2019
Keçmiş məktəb direktoru Sevinc Abbasova
Keçmiş məktəb direktoru Sevinc Abbasova

İttiham aktı oxunub

İntihar etdiyi bildirilən məktəbli Elina Hacıyevanın ölümü ilə bağlı proses bu gün, sentyabrın 18-də Səbail Rayon Məhkəməsində davam etdirilib. Hakim Azər Tağıyevin sədrliyi ilə keçirilən prosesdə məhkəmə istintaqı açıq elan edilib.

Prokuror əvvəlcə ittiham aktını elan edib.

İttihamda qeyd olunub ki, 8E sinif şagirdi E.Hacıyeva dərslərə gecikib, geyimi məktəbli formasına uyğun olmayıb. Habelə, ittihamda vurğulanıb ki, bundan öncə bir dəfə məktəbdə ülgüclə boğazını kəsərək intihara cəhd edib.

İttiham aktında o da qeyd edilib ki, şagirdlər daim E.Hacıyevanı sıxışdırıb, lakin direktor Sevinc Abbasova bununla bağlı ciddi addım atmayıb. İttihamda bildirildiyinə görə, o, sadəcə E.Hacıyevanın anasına şifahi məlumat verməklə kifayətlənib.

İttiham aktında həmçinin, qeyd edilib ki, E.Hacıyeva bu il aprelin 4-də özünü məktəbin 3-cü mərtəbəsindən atandan sonra S.Abbasova təcili tibbi yardımı vaxtında çağırmayaraq, məktəblinin həyatını təhlükədə qoyub.

İttihama münasibət bildirən keçmiş direktor S.Abbasova isə özünü təqsirli bilmədiyini deyib.

Bundan bir həftə öncə, sentyabrın 12-də Səbail Rayon Məhkəməsində bu iş üzrə hazırlıq iclası olmuşdu.

Orada E.Hacıyevanın valideynləri dəymiş mənəvi zərərə gör həm Təhsil Nazirliyi, həm də S.Abbasovaya qarşı 100 min manatlıq mülki iddia qaldırmışdılar. Bu vəsatət məhkəmənin icraatına qəbul edilmişdi.

Video arxiv

Elina Hacıyeva işi: Məktəb direktoru həbs olunmadı
Gözlə

No media source currently available

0:00 0:01:50 0:00

Mərhum Elina Hacıyevanın oxuduğu məktəbin önündə anım mərasimi keçirilib
Gözlə

No media source currently available

0:00 0:05:02 0:00

Arxiv

'Elina işi'ndə 125-ci maddə götürülüb

Elinanın anası icra başçısının müavini ilə üzləşdirildi

Elina Hacıyeva işində direktor həbs olunmadı [Video]

Prokurorluq Elina Hacıyevanın vəkillərinə cavab verib

Elina Hacıyevanın ailəsinin tələbləri var

Elinanın anası: 'Pul toplamağa ehtiyac qalmadı...'

Elina Hacıyevanın anası: 'Vəkil 2 min pul istədi…'

Elinanın oxuduğu məktəbin direktoru ev dustağı oldu

Anım mərasiminə polis və mülkigeyimlilərin müdaxiləsi olub (Video)

Məktəb direktoru şagirdin intiharı araşdırması ilə bağlı vəzifəsindən kənarlaşdırılıb

15:33 18.9.2019
S.Hüseynova
S.Hüseynova

Elina Hacıyevanın anasının dedikləri

Daha sonra prosesdə Elina Hacıyevanın anası Sevil Hüseynova ifadə verib. O deyib ki, qızının problemləri həmin məktəbə gəldikdən sonra başlayıb, məktəb yoldaşlarının təzyiqlərinə, şantajlarına məruz qalıb: «Bu barədə 3-4 dəfə məktəbə gedərək məktəb direktoru Sevinc Abbasovaya bildirdim. Mənə dedi ki, bununla bağlı tədbir görəcək, amma hər hansı təsirli tədbir olmadı. Bunu ondan bilirəm ki, qızıma olan təzyiqlər davam edib».

S.Hüseynovanın sözlərinə görə, növbəti dəfə şikayətə gedəndə direktor əsəbilik göstərib: «Şikayətimizə cavab olaraq bizə «bir də mənim məktəbimə gəlməyin» dedi».

S.Hüseynovanın vurğulamasına görə, məktəbin bəzi şagirdləri Elina və rəfiqəsi barədə xoş olmayan şayiələr yayıblar.

S.Hüseynova da qeyd edib ki, bir dəfə məktəbdən gəldikdə Elinanın boğazında kəsik izi görüb və bunun səbəbini qızından soruşub: «Elina mənə dedi ki, dostu ilə zarafat edərkən boğazı cızılıb. Amma sonra həmin dostu mənə anlatdı ki, Elina «lezva» ilə boğazını kəsmək istəyib».

Anasının qeyd etməsinə görə, bir dəfə də bir məktəbli Elinanın başına soyuq su töküb.

S.Hüseynovanın vurğulamasına görə, qızını məktəbin bəzi şagirdləri və onların kənardan gələn yaxınları bəzi hallarda şantaj da ediblər. Onun deməsinə görə, bu barədə məktəb rəhbərliyinə şikayət edib, amma nəticəsi olmayıb.

S.Hüseynova deyib ki, aprelin 4-də saat 11-12 radələrində ona məktəbdən zəng gəlib, Elinanın pəncərədən yıxılmağı barədə deyilib, məktəbə gedib, orada polis əməkdaşlarını görüb: «Mənə dedilər ki, Elina pəncərədən yıxılıb, yüngül xəsarət alıb, amma məni aprelin 4-də xəstəxanada onun yanına buraxmadılar. Aprelin 6-da hay-küy salandan sonra məni içəri buraxıblar, onda da artıq Elina keçinmişdi».

15:41 18.9.2019
Orta məktəbdə müəllimlərin şagirdlərlə rəftarında sizi nə qane etmir?
Gözlə

No media source currently available

0:00 0:01:35 0:00

İcra başçısı müavininin dedikləri

Prosesdə Səbail rayon İcra Hakimiyyəti başçısının müavini, Qəyyumluq Komissiyasının keçmiş sədri Xalidə Bayramova da ifadə verib.

O isə deyib ki, məktəb direktoru Sevinc Abbasova ilə münasibətləri yaxşı olub. Keçmiş müavinin vurğulamasına görə, aprelin 4-də S.Abbasovadan ona zəng gəlib, hadisə barədə danışıb. X.Bayramovanın sözlərinə görə, direktora deyib ki, dərhal polisə, təcili yardıma xəbər et.

O qeyd edib ki, özü də məktəbə gedib. Söyləməsinə görə, o zaman Elina, hələ, otaqda olub. Müavinin sözlərinə görə, ona deyiblər ki, Elina Hacıyeva məktəbin ikinci mərtəbəsindəki pəncərədən yıxılıb: «...Zəng etdim, təcili yardım gəldi, xəstəxanaya aparıldı».

X.Bayramovanın iddiasına görə, Elina onunla danışanda deyib ki, 30-a qədər həb qəbul edib, daha yaşamaq istəmir. Müavinin sözlərinə görə, bu üzdən Elina Hacıyevanı toksikoloji müayinəyə göndərmək istəyiblər, amma ağrılarına görə bu, mümkün olmayıb. Onun əlavə etməsinə görə, xəstəxanada həkimlər deyib ki, xəsarəti ağır deyil, ağciyərində yüngül xəsarət var.

Sonra da E.Hacıyevanın nənəsi Solmaz Əsgərova ifadə verib. Onun da ifadəsi Elina Hacıyevanın anasının ifadəsinə yaxın olub.

Daha sonra da Elinanın atalığı Seymur Hüseynov və atası Ədalət Hacıyev ifadə verərək bildiriblər ki, onlara uşağın xəsarətlərinin ağır olmadığı bildirilib.

Məhkəmə davam edir.

16:26 18.9.2019
Aksiya
Aksiya

Məhkəmənin önündə aksiya

İntihar etdiyi bildirilən məktəbli Elina Hacıyevanın ölümü ilə bağlı proses gedən vaxtı Səbail rayon Məhkəməsi önündə bir qrup jurnalistin aksiyası da olub. Onlar prosesə buraxılmamalarına etiraz ediblər.

Prosesin özündə zərərçəkənin yaxınları da bununla bağlı vəsatət veriblər və Ədliyyə Nazirliyinə məsələ ilə bağlı müraciət etdiklərini söyləyiblər. Onların da deməsinə görə, bu işə ictimaiyyətin marağı böyükdür, bütün jurnalistlər prosesə buraxılmalıdır. Hakim isə qeyd edib ki, məhkəmə zalının imkan verdiyi qədər prosesi izləməyə şərait yaradılıb.

Davamı

Günün bütün mövzuları

XS
SM
MD
LG