Son vaxtlar həbsini əsassız hesab edən şəxslər etiraz olaraq özünəqəsd üsulunu seçirlər. Hüquq müdafiəçisi Zəfər Əhmədov bildirir ki, artıq belə məhbuslar özlərini müdafiə edə bilmir, hansısa yolla səslərini eşitdirmək istəyirlər: "İqtidar üçün kiminsə aclıq etməsi və ya intihara cəhd göstərməsi hazırda o qədər də fərq etmir. Sadəcə, insanlar bezir. Siyasi məhbuslar hamıdan artıq bezir ki, bu nə vaxta qədər davam edəcək?".