Keçid linkləri

2017, 17 Dekabr, bazar, Bakı vaxtı 23:48

“Azərbaycan Hava Yolları” (AZAL) QSC və “Boeing” Korporasiyası noyabrın 12-də beş “B787-8 Dreamliner” və iki “B747-8F” (və ya B777F) təyyarələrinin alınması barədə razılığa gəliblər.

AZƏRTAC-ın xəbərinə görə, təyyarələrin alınması ilə bağlı sazişi "Azərbaycan Hava Yolları" QSC-nin prezidenti Cahangir Əsgərov və “Boeing Commercial Airplanes”ın prezidenti Kevin Makalister imzalayıblar.

“Dubai Airshow 2017” beynəlxalq aerokosmik sərgisi çərçivəsində imzalanan sazişin dəyəri 1,9 milyard dollar həcmində qiymətləndirilir. Təyyarələrin gətirilməsi 2019-2020-ci illərə planlaşdırılır.

Buna da bax: Hava limanında azad iqtisadi zona yaradılacaq

“Azərbaycan Hava Yolları” QSC-nin ümumi marşrut şəbəkəsi 25 ölkədə 40 istiqamətdən ibarətdir. 2016-cı ildə “Azərbaycan Hava Yolları” 2 milyondan çox sərnişin daşıyıb.

Aviaşirkət "Boeing" korporasiyası ilə geniş əməkdaşlıq tarixinə malikdir. Hazırda "Boeing 787 Dreamliner", "Boeing 767" və "Boeing 757" təyyarələrini istismar edir.

Günün bütün mövzuları

XS
SM
MD
LG