Ənənəvi Avropa filmləri festivalı

Noyabrın 3-də Bakıda ənənəvi yeddinci Avropa filmləri festivalı start götürəcək. Festival 10 gün davam edəcək.

Bu haqda Avropa Birliyinin (AB) Bakı nümayəndəliyindən bildiriblər.

Oktyabrın 27-də AB-nin Bakı nümayəndəliyində festivala həsr olunmuş mətbuat konfransı olacaq. Tədbirdə AB səfiri Malena Mard, İspaniya və Yunanıstanın diplomatik missiyalarının rəhbərləri iştirak edəcəklər.

Buna da bax:​ Kasıb Ermənistanın nüfuzlu kinofestivalı var, bəs Azərbaycanın

Festivalda bədii, animasiya və sənədli filmlər nümayiş etdiriləcək.

Tamaşaçılara Almaniya, Avstriya, Belçika, Çexiya, Estoniya, Finlandiya, Böyük Britaniya, Xorvatiya, Rumıniya, İtaliya, Fransa, İspaniya, Latviya, Macarıstan, Bolqarıstan və İsveç kinematoqrafçılarının filmləri göstəriləcək.