Keçid linkləri

Təcili xəbərlər
2019, 12 Noyabr, çərşənbə axşamı, Bakı vaxtı 10:06

ABŞ bütün ölkələrə səsləndi: Uyğurları Çinə verməyin


ABŞ Dövlət Katibi Mike Pompeo

ABŞ Dövlət katibi Mike Pompeo yenidən represiyalara məruz qalmamaları üçün bütün ölkələri etnik uyğurları Çinə verməkdən imtina etməyə çağırıb.

Sentyabrın 22-də Pompeo bəyan edib ki, Pekinin dediyi kimi ölkənin qərbi Sincan bölgəsində saxladığı müsəlman uyğurların terrorçuluqla heç bir əlaqəsi yoxdur və bu milli azlıqların mədəniyyət və dinlərinin "silinməsi" cəhdidir.

"Mən demək istəyirəm ki, Çinin Sincandakı repressiya kampaniyasının terrorizmlə əlaqəsi yoxdur. Bu Çinin öz vətəndaşlarını məhv etmək cəhdi ilə əlaqədardır. Biz bütün ölkələri Çinin uyğurların geri qaytarılması tələbinə qarşı çıxmağa çağırırıq" deyə Pompeo bildirib.

Çin polisi Uyğur xanımı uşağı ilə birgə Urumçidə küçədə saxlayıb, 3 iyul 2010.
Çin polisi Uyğur xanımı uşağı ilə birgə Urumçidə küçədə saxlayıb, 3 iyul 2010.

O, belə bir açıqlamanı BMT Baş Assambleyasının illik toplantısı çərçivəsində beş Orta Asiya ölkəsinin - Qazaxıstan, Qırğızıstan, Tacikistan, Türkmənistan və Özbəkistanın xarici işlər nazirləri ilə görüşdən sonra verib.

BMT ekspertləri və fəalları bildirirlər ki, ən azı 1 milyon uyğur və əksəriyyəti müsəlman olan digər azlıq üzvləri Çinin Sincan bölgəsindəki düşərgələrdə saxlanılır.

Pekin isə saxlanma yerlərinin təlim və bacarıqların inkişaf etdirilməsinə yönəlmiş "peşə" mərkəzləri olduğunu israr edir.

Günün bütün mövzuları

XS
SM
MD
LG