ABŞ və İran prezidentləri rəsmi atəşkəs sazişini imzalayıblar.

Qrossi: 'İrandakı nüvə obyektlərinə səfər mütləq baş tutacaq'

İyun 24, 2026

ABŞ və İsrail fevralın 28-də səhər İrandakı hədəflərə zərbələr endirməyə başlayıb. İran buna İsrail və regiondakı digər ölkələrdə ABŞ bazalarına raket, həmçinin dron hücumları ilə cavab verib. Aprelin 8-də Pakistanın vasitəçiliyi ilə ABŞ və İran arasında iki həftəlik atəşkəs elan olunub, danışıqlara start verilib.

Prezident Əliyev İran səfirliyində olub

Prezident İlham Əliyev martın 4-də İran İslam Respublikasının Azərbaycandakı səfirliyində olub.

AZƏRTAC-ın xəbərinə görə, O, İranın Ali rəhbəri Seyid Əli Xameneinin və bir çox mülki şəxslərin həlak olması ilə əlaqədar başsağlığı verib.

Azərbaycan prezidenti matəm kitabına ürək sözlərini yazıb və səfirlə söhbət edib.

Prezident İlham Əliyev İran səfirliyində

Buna da bax:

İspaniya 'Müharibəyə yox' deyir

Şri-Lanka yaxınlığında İran freqatı vurulub

İranın "IRIS Dena" freqatı martın 4-də SOS siqnalı verib.

ABŞ-nin müdafiə naziri Pit Heqset İranın hərbi gəmisini ABŞ sualtı qayığının batırdığını təsdiqləyib.

"Beynəlxalq sularda təhlükəsiz olduğunu düşünən İran hərbi gəmisini ABŞ sualtı qayığı batırıb. O, torpedo ilə vurulub", – Heqset brifinqdə deyib.

Gəminin göyərtəsində 180 nəfərin olduğu bildirilir. Sağ çıxmış 32 iranlı dənizçi Şri-Lankada xəstəxanada müalicə olunur.

İranın kürd müxalifətinin İraqdakı bazası vurulub

Martın 4-də İraq Kürdüstanının Dekala şəhərindəki İran kürd müxalifət qruplaşmasının qərargahındakı silah anbarına dron hücumu olub, iki yaraqlı yaralanıb. Bu barədə "Reuters"ə təhlükəsizlik mənbələri bildiriblər.

İran uzun müddətdir muxtar kürd bölgəsini İslam Respublikasına hücumlarda iştirak edən yaraqlıları gizlətməkdə günahlandırır, bazalarına dəfələrlə zərbələr endirib.

Məlumatlara görə, İraq Kürdüstanında yerləşən İran kürd silahlı qruplaşmaları son günlərdə ABŞ rəsmiləri ilə İranın qərbindəki təhlükəsizlik qüvvələrinə hücum imkanı müzakirə ediblər.

Davamı