Azərbaycanın tanınmış ictimaiyyət nümayəndələri HİV/AİDS-lə bağlı qan analizi verəcəklər. Bu barədə «Azadlıq» radiosuna Hüquqi İnkişaf və Demokratiya İctimai Birliyinin sədri Zülfiyyə Mustafayeva məlumat verib. Onun sözlərinə görə, əhalini AİDS-dən analiz verməyə həvəsləndirməkdən ötrü onlar tanınmış ictimaiyyət nümayəndələrini bu aksiyaya cəlb edəcəklər.
AİDS-lə Mübarizə Mərkəzinin direktoru Həqiqət Qədirova deyib ki, əhalinin müraciət edəcəyi təqdirdə analizlərin götürülməsində heç bir problem yoxdur. HİV/AİDS-dən qan analizi vermək pulsuzdur.
Hazırda Azərbaycanda mindən çox virus daşıyıcısının olduğu bildirilir.