«Dağlıq Qarabağ münaqişəsinin tərəfləri razılaşmaya çox yaxındırlar»-Ermənistanın Xarici İşlər naziri Vardan Oskanyan aprelin 17-də, ATƏT-in Daimi Şurasındakı çıxışında belə deyib. Oskanyan deyib ki, hazırda müzakirə masasında olan sənəd yaxşı balanslaşdırılb və tərəflərin hər biri bundan nəsə udur.
Azərbaycan Xarici İşlər naziri Elmar Məmmədyarov ermənistanlı həmkarı ilə bu gün Belqradda-Qara dəniz İqtisadi Əməkdaşlıq Təşkilatının sammitində görüşməsi gözlənilir. Görüşdə ATƏT-in Minsk qrupu həmsədrləri də iştirak edəcək. Tərəflər Ermənistanda keçirilən parlament seçkilərindən sonra-iki ölkə prezidentlərinin görüşü ilə bağlı da müzakirələr aparacaqlar.
