Bakı ilə Tehran arasında "təhsil və hicab" gərginliyi böyüyür. İranın elm nazirinin Azərbaycandakı hicablı qızları ölkəsinə dəvət etməsinə Bakı sərt reaksiya verib. Azərbaycan Elm və Təhsil Nazirliyi İranı daxili işlərə qarışmaqda ittiham edib və bu dövlətdə yaşayan 40 milyonluq azərbaycanlının ana dilində bircə məktəbinin belə olmadığını vurğulayıb. Bəs əvvəllər ehtiyatlı davranan Bakı bu məsələni niyə məhz indi – Qarabağ zəfərindən sonra siyasi müstəviyə daşıyır? "Əslində" regionda dəyişən güc balansını və Bakının yeni xəbərdarlıq ritorikasını təhlil edib.