Almaniya Kəşfiyyat Xidmətinin keçmiş rəhbəri Auqust Hanninq casusluq və dövlətə xəyanət ittihamı ilə saxlanılıb. Almaniya mediası onun Azərbaycan kəşfiyyatı üçün məxfi təhlillər hazırladığını iddia etsə də, siyasi şərhçi Ərəstun Oruclu ötürülən məlumatların Bakı üçün maraqlı olduğuna inanmır. Ekspertin fikrincə, burada Azərbaycan vətəndaşlarından və ya xüsusi xidmət orqanlarından üçüncü bir dövlətin "özgə bayrağı altında kəşfiyyat" taktikası ilə istifadə etməsi versiyası daha realdır.