Ermənistan yeni konstitusiya layihəsində Müstəqillik Bəyannaməsinə istinadın yer almayacağını açıqlayıb. Siyasi təhlilçi Ruben Mehrabyanın qənaətinə görə, əgər bu amil Azərbaycan tərəfi üçün yeganə maneə idisə, sözügedən dəyişiklikdən sonra ikitərəfli münasibətlərdə yaxınlaşma gözləmək olar: "Burada fikir ayrılıqlarından ziyadə, ümumi maraq və məqsədlərin olduğunu görürəm. Hesab edirəm ki, Rusiya Ermənistan üçün yeni çağırışlar yaradacaq və Yerevanın bu çağırışlara tab gətirməsi üçün Bakı ilə də müəyyən razılaşmalara ehtiyacı olacaq". Digər tərəfdən, siyasi təhlilçi Cavid Əsədov vurğulayır ki, layihənin təqdim edilməsi hələ konstitusiyanın qəbul olunacağı anlamına gəlmir.