Tərəflərin hər ikisi atəşkəsdə özünü qalib olaraq görsə də, hərbi ekspert Səxavət Məmməd düşünür ki, hazırda qalib yoxdur və müharibənin davamı artıq heç bir tərəfə sərf etmir: "Amerikanın və İsrailin qarşısına qoyduğu məqsədlər var idi və bu məqsədlərə taktiki baxımdan nail oldular... Amma strateji baxımdan onlar nəticə əldə edə bilmədilər. Müharibənin artıq 10-cu, 15-ci günlərində Tramp qeyd edirdi ki, İranda vurulacaq yer qalmayıb artıq".