Keçid linkləri

Təcili xəbərlər
2021, 16 İyun, çərşənbə, Bakı vaxtı 16:24

Rusiyalı kibercinayətkar ABŞ-da 30 ay həbsə məhkum edildi


İllüstrativ foto

Mayın 24-də ABŞ-da məhkəmə rusiyalı vətəndaşı 30 ay həbsə məhkum edib. Kiril Viktoroviç Firsov oğurlanmış kredit kartı və şəxsi informasiyanı kibercinayətkara ötürülməsində roluna görə təqsirli bilinib.

Firsov ötən ilin martında Nyu York şəhərindəki JFK aeroportuna çatan kimi saxlanıb. Onun hazırda aktiv olmayan, Rusiyada yerləşən deer.io onlayn platformasını işlətdiyi bildirilir. Həmin platforma vasitəsilə kibercinayətkarlar oğurlanmış hesabların alqı-satqısı ilə məşğul olublar.

İttihamnaməyə görə, yeddi il ərzində platformada satışın həcmi 17 milyon dolları keçib. Bunun azı 1.2 milyon dolları ABŞ-da oğurlanmış informasiya əhatələyib.

Hakim Firsovun artıq 15 aydır Birləşmiş Ştatlarda saxlandığını təsdiqləyib. O, həbs müddəti bitəndən sonra, Rusiyaya deportasiya prosesi zamanı da həbsdə saxlanacaq.

Şərhlər

XS
SM
MD
LG