Keçid linkləri

Təcili xəbərlər
2021, 15 May, şənbə, Bakı vaxtı 07:28

Türkanda ahılların torpaqlarına görə keçmiş sədr axtarışa verildi


Türkanlı nənələri 'öldürüb' torpaqlarını ələ keçiriblər
Gözlə

No media source currently available

0:00 0:04:26 0:00

Türkanlı nənələri 'öldürüb' torpaqlarını ələ keçiriblər

Bakının Xəzər rayonu, Türkan qəsəbəsində 91-yaşlı Xumara Şabanova və 80-yaşlı Əzizəxanım Atayevanın sağ olduqları halda, ölmüş kimi sənədləşdirilib hər birinin 25 sot torpaq sahəsinin özlərindən xəbərsiz satılması ilə əlaqədar istintaq yekunlaşıb. Beş nəfərin haqqında cinayət işi baxılması üçün aprelin 29-da Bakı Ağır Cinayətlər Məhkəməsinə göndərilib, daha iki nəfər isə axtarışa verilib.

Beş təqsirləndirilən, iki nəfər axtarışda

Baş Prokurorluğun mətbuat xidmətindən AzadlıqRadiosuna verilən məlumata görə, yaxın günlərdə hakim önünə çıxarılacaq beş nəfərdən də yalnız ikisi həbsdədir – Çingiz Səfərov və Xəzər rayonunun icra başçısının Türkan qəsəbəsi üzrə nümayəndəsi olmuş Rahil Babayev.

Digər üç nəfərdən Daşqın Nəsirov dekabrda həbs olunsa da, martda ev dustaqlığına buraxılıb. Xalq artisti Zeynəb Xanlarovanın bacısı oğlu olan Nəsirovun ev dustaqlığına buraxılmasına əsas kimi onun səhhətində problemlər olması göstərilib. Daha iki təqsirləndirilən isə Dövlət Reyestr Xidmətinin 1 saylı Bakı Ərazi İdarəsinin sabiq rəisi Zəfər Abdulov və onun müavini olmuş Eldar Mirzəyevdir. İstintaq dövründə onların barəsində polis nəzarətinə vermə-qətimkan tədbiri seçilib.

Axtarışda olanlara gəlincə, bunlar Türkan bələdiyyəsinin keçmiş sədri Mehman Ağayev və qəsəbədə torpaq alqı-satqısı ilə məşğul olmuş Qərib Nadirovdur. Axtarışda olduqlarına görə cinayət işi məhkəməyə göndəriləndə onların haqqında iş ayrılıb və Baş Prokurorluğun İstintaq İdarəsində araşdırmalar davam etdirilir.

Cinayət işinin materiallarında iddia olunur ki, torpaq alqı-satqısı ilə məşğul olan Səfərov, Nadirov və Nəsirovun təhriki ilə icra başçısının sabiq nümayəndəsi və bələdiyyə sədri, eləcə də Dövlət Reyestr Xidmətinin vəzifəliləri əlbir olub. Nəticədə Türkan qəsəbəsində dəniz sahilində yerləşən, Atayeva və Şabanovaya məxsus ümumilikdə 1.12 hektar torpaq sahəsi saxta sənədlərlə qanunsuz satılıb. İstintaq saxta sənədlərlə satılmış torpaq sahələrini 190 min manat dəyərləndirib.

Maddələr

Təqsirləndirilən şəxslərə qarşı CM-in 178.3.2 (külli miqdarda ziyan vurmaqla dələduzluq), 308.2 (vəzifə səlahiyyətlərindən sui-istifadə etmə, ağır nəticələrə səbəb olduqda) və 320.2 (rəsmi sənədləri saxtalaşdırma, qanunsuz hazırlama və ya istifadə etmə) maddələri ilə ittiham irəli sürülüb. Bu maddələrdə 10 ilə qədər azadlıqdan məhrumetmə cəzası nəzərdə tutulub.

Bu ilin martında Türkan qəsəbə sakini Natiq Məhəmmədsoy da həbs olunub. O, qanunsuz silah saxlama və narkotik satışında suçlanır. 55-yaşlı Məhəmmədsoy isə ittihamları qəbul etmir, təqsirsiz olduğunu deyir. O, barəsində həbs qərarı verilərkən məhkəmədə deyib ki, qəsəbə sakinləri Atayeva və Şabanovaya vəkil tapmaqda, dövlət orqanlarına şikayətlərdə yardım etdiyinə görə saxta ittihamla cəzalandırılıb.

Atayeva və Şabanova da Məhəmmədsoyun günahsız olduğunu, onlara yardım etdiyinə görə şərləndiyini deyir.

XS
SM
MD
LG