Keçid linkləri

2024, 19 Mart, çərşənbə axşamı, Bakı vaxtı 07:35

Yaşı 45-dən çox olanlar rayona gedə bilmirlər


Aşqabad, arxiv fotosu
Aşqabad, arxiv fotosu

Noyabrın əvvəlindən Türkmənistanda regionlar arasında üzrlü səbəb olmadan köç etmək qadağan olunub və 2021-ci ilədək qüvvədədir

Türkmənistan hakimiyyəti yaşı 45-dən yuxarı olanların rayonlara getməsini qadağan edib. Bu haqda AzadlıqRadiosu-nun Türkmənistan xidməti – Radio Azatlık xəbər yayıb.

“Media-Türkmən” nəşrinin məlumatına görə, qadağa yaşı 50-dən yuxarı olanlar üçündür, onların doğma şəhərindən çıxması yasaqlanıb.

“Azatlık” radiosunun ölkənin şərqi Lepab vilayətindəki müxbirinin məlumatına görə, təhsil ocaqları, polis və digər rəsmi qurumlar məhdudiyyətlərin səbəblərini izah edirlər. Onların mövqeyincə, yaşı 45-dən yuxarı olanların immuniteti zəifdir və yoluxucu xəstəliklərə tutula bilərlər.

Bu qadağanın koronavirus pandemiyası ilə əlaqəli olduğu güman edilir. Ancaq Türkmənistan hakimiyyəti ölkədə bircə nəfərin də virusa yoluxmadığını bildirir.

Noyabrın əvvəlindən Türkmənistanda regionlar arasında üzrlü səbəb olmadan köç etmək qadağan olunub və 2021-ci ilədək qüvvədədir. Martdan ölkədə dəmiryol və avtobus nəqliyyatı dayandırılıb, böyük şəhərlər arasında çoxsaylı yollar qapadılıb.

Avqustda maska taxılması məcburi elan edilib. Rəsmi orqanlar bunu havada tozunun miqdarının çox olmasıyla izah ediblər.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG