Keçid linkləri

Təcili xəbərlər
2020, 29 Oktyabr, Cümə axşamı, Bakı vaxtı 06:38

Macarıstanı sığınacaq qaydalarını dəyişməyə çağırırlar


Macarıstan-Serbiya sərhədində miqrantlar

BMT-nin qaçqın agentliyi – UNHCR Baş nazir Viktor Orban hökumətini ölkənin sığınacaq sisteminə son sərtləşdirməni ləğv etməyə çağırıb, bəzi bəndlərin beynəlxalq qanunları poza biləcəyini deyib.

Macarıstan hökumətinin sözçüsü məsələni dərhal şərh etməyib.

Ölkə ötən ay sərhədləri boyunca miqrant tranzit zonalarını bağlayıb, həbsxanaya bənzər şəraitdə yaşayan 300-dək qaçqını azad edib. Ancaq eyni zamanda qaydaları sərtləşdirib, gələcək sığınacaq müraciətlərinin qarşısını almış olub.

Yeni qaydalara görə, sığınacaq istəyənlər Macarıstan sərhədində deyil, qonşu ölkələrdəki konsulluqlarda ərizələrini təqdim etməlidirlər.

Vacib ön şərt

“Bu, sığınacaq axtaranların geri qaytarılmasına, pis rəftarla üzləşməsinə səbəb olar ki, bu da 1951-ci il Qaçqın Konvensiyasının, Macarıstanın tərəf dövlət olduğu digər beynəlxalq və regional insan haqları alətlərinin pozulmasına bərabər olar”, – UNHCR iyunun 29-da yaydığı bəyanatda bildirib.

“Sığınacaq istəmək hüququndan istifadə üçün əraziyə effektiv çıxış vacib ön şərtdir”, – bəyanatda vurğulanır.

İnsan haqları qrupları da məsələdən narahatlıq bildiriblər. Onların mövqeyincə, sərtləşdirilmiş qaydalar qaçqınların Macarıstan vasitəsilə AB-dən sığınacaq istəməsini də çətinləşdirəcək.

UNHCR Budapeşti dəyişiklikləri ləğv etməyə, sığınacaq sistemini beynəlxalq insan haqları qanunları, eləcə də Avropa Birliyi qanunvericiliyi ilə uyğunlaşdırmağa çağırır.

Avropa Birliyində miqrant böhranı 2015-ci ildə pik həddə çatanda, immiqrasiyanın qatı opponentlərindən olan Orban Macarıstanın cənub sərhədinin bağlanması göstərişi verib, yüzminlərlə miqrantın yolunu kəsmiş olub.

XS
SM
MD
LG