Keçid linkləri

2024, 17 İyun, Bazar ertəsi, Bakı vaxtı 10:58

Konqresmenin ‘son savaşı’ xərçənglə olacaq


Konqresmen John Lewis
Konqresmen John Lewis

ABŞ-da vətəndaş hüquqları əfsanəsi, Nümayəndələr Palatasının Corciya ştatından demokrat üzvü John Lewis-ə dördüncü mərhələdə olan, irəliləmiş mədəaltı vəzi xərçəngi diaqnozu qoyulub. Açıqlamanı konqresmeninin ofisi dekabrın 29-da yayıb.

79 yaşlı, 17 dəfə Konqres üzvü olmuş Lewis açıqlamanı “rutin tibb ziyarəti”ndən sonra yayıb. O əlavə edib ki, müalicə almaqla yanaşı dairəsinə xidməti davam etdirəcək. Konqresmen Corciyanın ən böyük şəhəri Atlantanın böyük bir hissəsini təmsil edir.

“Demək olar, bütün həyatım boyu savaşmışam – azadlıq, bərabərlik, təməl insan haqları uğrunda. Ancaq indikinə oxşar savaşla heç vaxt üzləşməmişəm”, – Lewis deyib.

“Keçiləsi çox körpülərimiz var”

On illər boyunca vətəndaş hüquqları hərəkatında çalışmış Lewis vaxtilə kiçik Martin Luther King-in başçılıq etdiyi “Big Six” (Böyük Altılıq) qrupunun ən gənc və hazırda həyatda olan üzvüdür.

“Beləliklə, bildiyim, həmişə etdiyimi etmək qərarına gəldim: Onunla mübarizə aparacaq və sevimli Cəmiyyətim uğrunda savaşı davam etdirəcəyəm. Hələ keçiləsi çox körpülərimiz var”, – o vurğulayıb.

Lewis vətəndaş hüquqları dövründə azı 40 dəfə, 1986-cı ildə konqresmen seçiləndən isə bir neçə dəfə saxlanıb.

Son vaxtlar o, Prezident Donald Trump administrasiyasının ayrı saldığı immiqrant ailələrinin birləşdirilməsini təbliğ edirdi.

Mədəaltı vəzi xərçəngi 2018-ci ildə Birləşmiş Ştatlarda xərçəngdən ölüm hallarına səbəb olmuş üçüncü səbəb kimi göstərilir. Dördüncü mərhələli mədəaltı vəzi xərçəngi olan xəstələrin 3 faizə qədəri bu diaqnoz qoyulandan beş il sonra da həyatdadır. Bunu Amerika Xərçəng Cəmiyyəti bildirir.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG