Keçid linkləri

2024, 25 May, şənbə, Bakı vaxtı 13:04

OPEC razılaşma əldə edib, ancaq Rusiyanı gözləyir


OPEC-in Vyanadakı qərargahı
OPEC-in Vyanadakı qərargahı

Neft ixrac edən ölkələrin təşkilatı – OPEC qiymət artımını dəstəkləməkdən ötrü hasilatı azaltmaqla bağlı qeyri-rəsmi razılaşma əldə edib. Ancaq hələlik, rəsmi açıqlama verilməyib, çünki dekabrın 6-da Rusiya daxil, digər ölkələrlə görüş olmalıdır.

Neft ixracatçıları Vyanada görüşərək nefti hasilatını daha da azaltmağı götür-qoy ediblər. Öncəki razılaşma gündəlik hasilatı 1,2 milyon barrel azaltmağı nəzərdə tuturdu.

Tərəflər bu razılığa ötən ilin dekabrında gəlmiş, iyulda OPEC-in son toplantısında isə onun müddətini uzatmışdılar.

İranın Neft naziri Bijan Namdar Zangeneh dekabrın 5-də Avstriyanın paytaxtında görüşdən çıxarkən jurnalistlərə deyib ki, “Bəli, razılaşma əldə olundu”.

Əlavə 500 min barrel azaltmaq

Səudiyyənin Enerji naziri Abdulaziz bin Salman isə bildirib ki, sövdələşmə OPEC+ adlanan qrupun 10 üzvü ilə də razılaşdırılmalıdır, buraya Rusiya da daxildir. Görüş dekabrın 6-na planlaşdırılır.

Rusiyanın Enerji naziri Alexander Novak-ın dekabrın 5-də deməsinə görə, nazirlərin ilkin toplantısında 2020-ci ilin birinci rübündə hasilatın əlavə olaraq 500 min barrel kəsilməsi tövsiyə olunub.

OPEC-in son toplantısından üzü bəri neftin qiymətləri nisbətən sabit qalıb. Hazırda Brent neftinin barrelinin qiyməti 60 dollar civarındadır. Sentyabrda Səudiyyənin neft obyektlərinə hücumlardan sonra neftin qiymətində qısamüddətli sıçrayış qeydə alındı.

Bu qiymət Rusiyaya sərf edir, 2019-cu ilin büdcəsində neftin barrelinin qiyməti 42 dollar nəzərdə tutulub.

Ancaq Səudiyyə Ərəbistanı daxil digər ölkələr iqtisadiyyatı gücləndirməkdən ötrü daha yüksək qiymət istəyir.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG