Keçid linkləri

2024, 30 May, Cümə axşamı, Bakı vaxtı 03:39

Rusiyada ‘suveren internet’ qanunu qüvvəyə minir


Tatarıstanda Runetin təcridinə etiraz aksiyası, arxiv fotosu
Tatarıstanda Runetin təcridinə etiraz aksiyası, arxiv fotosu

Noyabrın 1-dən Rusiyada ziddiyyətli internet qanunu qüvvəyə minir. Tənqidçilər bu qanunun hökumətə onlayn nəzarəti genişləndirmək imkanı verdiyini deyirlər.

Bu ilin əvvəlində parlamentin qəbul etdiyi və Prezident Vladimir Putinin imzaladığı qanunda provayderlərdən tələb olunur ki, Rusiyada veb trafiki hökumətin nəzarətindən keçirməyə imkan verən avadanlıq quraşdırsınlar.

Rusiyada yerli domen-ad sisteminin yaradılması üçün də şərtlər qoyulur.

Qanunvericilik tərəfdarlarının fikrincə, bu sənəd internetin Runet kimi tanınan Rusiya seqmentini daha müstəqil edəcək. Onların fikrincə, bu, Rusiyanı potensial kiberhücumlardan qorumaqdan ötrü vacibdir.

Ancaq tənqidçilər xəbərdarlıq edirlər ki, qanun İnternetin böyük hissəsini senzuraya məruz qoyacaq, internet istifadəçilərinin Rusiya kəşfiyyat agentlikləri tərəfindən daha artıq nəzarətdə olmasına imkan verəcək.

Bir çoxlarının fikrincə, hökumətin məqsədi internetdən etirazların təşkili, vətəndaş itaətsizliyinin həvəsləndirilməməsi üçün istifadəsini önləməkdir.

Rusiya rəsmiləri deyirlər ki, bu qanunvericilik Birləşmiş Ştatların Runeti sıradan çıxarmasını önləməkdən ötrü qoruyucu addımdır.

Qanuna görə, Rusiya rəsmiləri onlayn təhlükəsizliyə təhdid görərsə, dövlət mediasına nəzarət orqanı olan Roskomnadzor provayderlərə xəbərdarlıq etmədən Rusiyada internetə nəzarəti ələ keçirə, ölkədə İnternet trafikini filtrasiya edə bilər.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG