Keçid linkləri

Təcili xəbərlər
2018, 15 Dekabr, şənbə, Bakı vaxtı 21:12

Çin Kanadadan Huawei rəsmisini buraxmağı tələb edir


Meng Wanzhou

Çin Kanadadan Çinin Huawei texnologiya nəhənginin rəsmisini azadlığa buraxmağa çağırıb. Huawei Technologies şirkətinin baş maliyyə direktoru Meng Wanzhou-nun ABŞ-ın İrana sanksiyalarından yayınması iddiaları səslənir və o, Birləşmiş Ştatlara ekstradisiya oluna bilər.

Bəzi ekspertlərin fikrincə, bu hadisə Pekinlə Vaşinqton arasında gərginliyi daha da qızışdıracaq. Tərəflərin bir-birinin milyardlarla dollarlıq məhsuluna tariflər qoyublar.

Meng Huawei-nin idarə heyətinin sədr müavini, şirkətin qurucusu, Çinin keçmiş hərbi mühəndisi Ren Zhengfei-nin qızıdır.

Huawei dünyada telefon və internet şirkətlərinin işlətdiyi şəbəkə avadanlığının ən böyük təchizatçısıdır.

ABŞ kəşfiyyat rəsmiləri şirkəti Çin ordusu və təhlükəsizlik xidmətləri üçün casusluqda suçlayır.

Vaşinqton mayda İranla 2015-ci il nüvə sazişindən çıxdığını, Tehrana sanksiyaların bərpa olunduğunu bildirib.

Birləşmiş Ştatların milli təhlükəsizlik müşaviri John Bolton NPR radiosuna deyib ki, Mengin həbsindən öncədən xəbəri olub, amma detalları açıqlamayıb.

Günün bütün mövzuları

XS
SM
MD
LG