Keçid linkləri

Təcili xəbərlər
2018, 19 Sentyabr, çərşənbə, Bakı vaxtı 12:34

Nigar Köçərliyə cavab gəldi


TEAS-ın təsisçisi və sədri Tale Heydərov

“LİBRAFF” sadəcə kitab mağazaları şəbəkəsidir, özəl sektora aiddir. Ölkədəki on minlərlə analoji strukturdan biridir, yəni dövlət qurumu deyil, hər hansı nazirliyin şöbəsi heç deyil”.

APA-nın xəbərinə görə, “Əli və Nino” kitab mağazaları şəbəkəsinin rəhbəri Nigar Köçərlinin sahibi olduğu obyektə təhlükə yaranması iddiası ilə bağlı fevralın 12-də yaydığı açıqlamaya “LİBRAFF” kitab mağazaları şəbəkəsinin cavabında belə yazılır.

Açıqlamada “LİBRAFF” kitab mağazaları şəbəkəsinin, TEAS Press Nəşriyyat evinin Avropa Azərbaycan Cəmiyyətinin (AAC/TEAS) törəmə şirkətləri olduğu, TEAS-ın təsisçisi və sədrinin Tale Heydərov olduğu bildirilir. T.Heydərov fövqəladə hallar naziri Kəmaləddin Heydərovun oğludur.

Açıqlamada vurğulanır ki, Nigar Köçərlinin müraciətinin formal ünvanı bir, əslində hədəf seçilən obyekt isə tamam başqa instansiyadır. “LİBRAFF”ın açıqlamasına görə, bu, atılan addımın özünün məntiqliliyini sual altında qoyur.

Buna da bax: İşadamı: 'Deyiblər ki, bu, Tale Heydərovun şəxsi xahişidir'

“Əgər Nigar Köçərliyə qarşı bu “hücumlar” son 4 ildə doğrudan da olubsa, onda, iddia edildiyi kimi, “o fil qarışqanı niyə əzməyib”. Hətta əksinə, ticarət mərkəzlərində yeni mağazaları açılıb? İttiham etmək asandır, amma bu ittihamlar sübut olunmalıdır, əks halda onu böhtan saymaq lazım gəlir”.

Açıqlamada iddia olunur ki, “LİBRAFF” kitab satışı ilə peşəkar şəkildə məşğul olmağa başlayandan N.Köçərlinin mənəvi təzyiqlərinə və böhtanlarına məruz qalıb.

“TEAS Press Nəşriyyat evinin kitab bazarını inhisara alacağı şayiəsi sosial şəbəkələrdə məqsədli şəkildə yayılıb, qurum haqda mənfi ictimai rəyin formalaşdırılmasına çalışılıb. N.Köçərlinin müraciəti də həmin kampaniyanın tərkib hissəsi və davamıdır”.

Buna da bax: Ekspert: 'Seçki bitəndən sonra Azərbaycan tipik Yaxın Şərq diktaturası olacaq' [video]

Açıqlamada kitab satışı sektorunun başlıca məsələlərindən birinin müəllif hüquqları olması, ən çox zərərçəkən tərəfin də məhz TEAS Press Nəşriyyat evi olduğu vurğulanır. İddia olunur ki, nəşr hüququ TEAS Press Nəşriyyat evinə məxsus olan kitablar qanunsuz şəkildə nəşr edilir və bu pirat kitablar N.Köçərlinin mağazalarının vitrinlərində satılır.

Xatırlatma

«Əli və Nino» kitab mağazaları şəbəkəsinin sahibi Nigar Köçərli fevralın 12-də fövqəladə hallar naziri Kəmaləddin Heydərova video və yazılı müraciət ünvanlamışdı.

Geniş rezonans doğuran müraciətdə N.Köçərlinin sahibi olduğu kitab mağazalarına təhlükə yaranmasından bəhs edilirdi.

«4 il əvvəl «Gilan Holdinq»in nümayəndəsi məni dəvət etdi. Sizin adınızdan dedi ki, «Əli və Nino»nu bizə verməlisən: «Əgər verməsən, biz fil, sən isə qarışqa - səni əzəcəyik»», Nigar Köçərli fövqəladə hallar nazirinə xitabən bildirmişdi.

N.Köçərlinin sözlərinə görə, 4 ildir «Əli və Nino»ya basqı davam edir: «Gömrükdə problemlər, mağazalarımda gizli çəkilişlər, işçilərin «doprosları», mətbuatda və sosial şəbəkələrdə əleyhimə kampaniyalar. Bu bəs etmədi, indi də «Əli və Nino» kitab dükanları mollardan çıxarılır. Sizin adamlar bizi bu dükanlardan qovur, yerində öz kitab dükanlarını yaradırlar».

N.Köçərli deyirdi: «Öz adamlarınıza deyəsiniz ki, məndən əl çəksinlər».

Günün bütün mövzuları

XS
SM
MD
LG