Keçid linkləri

2024, 19 Mart, çərşənbə axşamı, Bakı vaxtı 12:16

Reza Zarrab harada saxlanır


Reza Zarrab həyat yoldaşı Ebru Gundes ilə, 2013-cü il
Reza Zarrab həyat yoldaşı Ebru Gundes ilə, 2013-cü il

ABŞ-da saxlanmış türkiyəli-iranlı biznesmen Reza Zarrab noyabrın 16-da məhkəmənin ikinci iclasına gəlməyib. Bu, İranın ABŞ sanksiyalarını pozmasına yardımda suçlanan qızıl ticarətçisinin amerikalı müstəntiqlərlə əməkdaşlıq etməsi barədə spekulyasiyalar yaradıb.

NBC News noyabrın 16-da məlumat yayıb ki, Reza Zarrab hazırda Türkiyənin yüksəkçinli məmurlarının iştirakıyla çirkli pulyuma işində amerikalı müstəntiqlərlə əməkdaşlıq edir.

*** Buna da bax: Türkiyə Reza Zarrab-la maraqlanıb

“FEDERAL HƏBSXANADA DEYİL”

NBC “məsəldən xəbərdar” anonim mənbələrə istinadla yazıb ki, Zarrab hazırda ABŞ-da həbsxanada deyil və prokurorlar onu naməlum bir yerdə saxlayırlar.

Zarrab-ın Türkiyə prezidentiRecep Tayyip Erdogan hökumətiylə əlaqələri olduğu bildirilir. O, 2016-cı ilin martında ABŞ-da həbs olunmuşdu.

Bloomberg News da noyabrın 16-da “işlə tanış olan iki nəfərə” istinadla yazıb ki, Zarrab “ABŞ-da saxlanır, ancaq federal həbsxanada deyil. Bəzən təqsirləndirilən şəxs hökumət şahidi olmağa razılaşanda belə şey baş verir”.

Zarrab və vəkilləri noyabrın 16-da ABŞ-da Menhetten məhkəməsində hazırlıq iclasına qatılmayıblar. Onunla birlikdə təqsirləndirilən, Türkiyədə bank rəhbəri rəhbəri Mehmet Akan Attila-nın vəkili deyib ki, Zarrab artıq ikinci hazırlıq iclasıdır ki, gəlmir və görünür, Zarrab daha bu işdə müdafiə olunmur.

İranın sanksiyalarını necə pozduğunu araşdıracaq məhkəmə noyabrın 27-də başlanmalıdır.

*** Buna da bax: ABŞ-da keçmiş türk rəsmilərinə ittiham irəli sürülüb

HAKİMİYYƏTLƏ ƏMƏKDAŞLIQ?

NBC əlavə detallar açıqlamasa da, Zarrab-ın hakimiyyətlə əməkdaşlıq edə biləcəyi versiyasını irəli sürüb. ABŞ-ın xüsusi prokuroru Robert Mueller Zarrab-la bağlı bir məsələni araşdırır – Türkiyə rəsmilərinin Zarrab-ın buraxılması, eləcə də Fethullah Gulen-in deportasiyası üçün keçmiş milli təhlükəsizlik müşaviri Michael Flynn-ə 15 milyon dollar verməyi müzakirə etməsini.

Erdogan ABŞ-da yaşayan Gulen-i ötən il Türkiyədə uğursuz çevriliş cəhdinin arxasında durmaqda suçlayır, Gulen ittihamları rədd edir.

Türkiyə dəfələrlə Ağ evi Zarrab-ın işinə müdaxilə etməyə, onu azadlığa buraxmağa çağırıb.

ABŞ-ın Nyu York cənub rayonunun prokurorluğundan, eləcə də Zarrab-ın əsas vəkili Ben Brafman-dan açıqlama almaq mümkün olmayıb.

*** Buna da bax: ABŞ Reza Zarrab-ın işində razılaşmaya açıqdır

Ötən həftə ABŞ Federal Məhkumlar Bürosu vebsaytında 34 yaşlı Zarrabı noyabrın 8-də həbsxanadan buraxılmış kimi göstərib. Ancaq ABŞ prokurorları bunun səhv olduğunu, Zarrab-ın həbsdə qaldığını bildiriblər. Bundan sonra Türkiyə ABŞ-a Zarrab-la bağlı sorğu göndərdiyini açıqlayıb. Vaşinqton Ankaraya Zarrab-ın “tibbi baxımdan yaxşı durumda” olduğunu bildirib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG