Keçid linkləri

2017, 22 Noyabr, çərşənbə, Bakı vaxtı 20:21

«Bakı-Tbilisi-Qars (BTQ) dəmir yolunun açılışı Avrasiya boyunca daha yaxşı ticarət və əlaqələrin qurulması istiqamətində atılan növbəti mühüm bir addımdır».

Bunu ABŞ-ın Azərbaycandakı səfiri Robert Sekuta bu gün, oktyabrın 30-u jurnalistlərə açıqlamasında bildirib. Səfir deyib ki, BTQ dəmir yolu İpək Yolundan ötrü böyük əhəmiyyətə malikdir:

«Biz uzun müddət İpək Yolunun əhəmiyyəti barədə danışırdıq və hesab edirəm ki, bugünkü açılış da bu istiqamətdə atılan növbəti bir addımdır».

Avropa Birliyinin Bakıdakı nümayəndəliyindən də Bakı-Tbilisi-Qars (BTQ) dəmir yolunun açılışı ilə bağlı oxşar açıqlama verilib.

XATIRLATMA

Bu gün, oktyabrın 30-u Azərbaycan paytaxtında Bakı-Tbilisi-Qars dəmir yolunun rəsmi açılış mərasimi keçirilir.

BTQ dəmir yolu xətti layihəsini 2007-ci il fevralın 7-də Tbilisidə Azərbaycan prezidenti İlham Əliyev, Gürcüstan prezidenti Mixeil Saakaşvili və Türkiyənin ozamankı baş naziri Rəcəb Tayyib Ərdoğan imzalayıb. Həmin il noyabrın 21-də BTQ-nin təməli qoyulub.

Bu dəmir yolunun açılışı dəfələrlə ertələnmişdi. Azərbaycan Dövlət Neft Fondunun (ADNF) məlumatına görə, həmin layihəyə 2016-cı il oktyabrın 1-nə 619.8 milyon ABŞ dolları ayrılıb. Azərbaycan hökuməti bu layihənin gerçəkləşməsində çox maraqlıdır. Bu layihə Ermənistandan yan keçir. ADNF-nin builki büdcəsində layihəyə əlavə olaraq 165 milyon 825 min manat ayrılıb.

Üstəlik, Azərbaycanın bu layihə ilə bağlı Gürcüstana da güzəştli kredit verdiyi bildirilir.

Günün bütün mövzuları

XS
SM
MD
LG