Petro Poroshenko xarici kəşfiyyat xidmətinə yeni rəhbər təyin edib

Ukrayna prezidenti Petro Poroshenko xarici kəşfiyyat xidmətinə yeni rəhbər təyin edib.

Bu 37 yaşlı Egor Bozok-dur.

“Mən xarici kəşfiyyat sahəsində böyük təcrübəsi olan Egor Bozok-u vətənpərvər, qətiyyətli və təcrübəli bir insan kimi çoxdan tanıyıram” Poroshenko özünün “Feysbuk” səhifəsində yazıb.

Prezident hesab edir ki, onun təyinatı, bu qurumun inkişafına səbəb olacaq.

Egor Bozok bunadək Ukraynanın NATO-dakı missiyasının rəhbəri vəzifəsində çalışıb.

Petro Poroshenko 2016-cı ilin aprelində Viktor Hvozd-ı xarici kəşfiyyat xidmətinin rəhbəri vəzifəsindən azad edib.