Son iki gündə 6 mindən çox miqrant xilas edilib

Son iki gün ərzində Aralıq dənizindən Avropaya keçməyə çalışan 6 mindən çox miqrant xilas edilib. Açıqlamanı Avropa Birliyi və İtaliyanın donanma rəsmiləri yayıb.

İtaliya sərhədçilərinin bildirməsinə görə, mayın 6-da 3 minədək, bir gün öncə də təxminən o qədər miqrant xilas olunub.

Miqrantların milliyyəti açıqlanmır.

Buna da bax:​ Papa miqrant mərkəzlərini həbs düşərgələrinə bənzədib

Onlardan bəziləri İtaliyaya aparılıb, 730 nəfərsə hazırda Sərhədsiz Həkimlər Təşkilatının gəmisində İtaliya sərhədinə doğru gedir.

Liviya sərhədçiləri də mayın 6-da Tripoliyə sahilləri yaxınlığında 170 miqrantı xilas etdiyini bildirir, ancaq qalanları qurtarmaq mümkün olmayıb.

Beynəlxalq Miqrasiya Təşkilatının məlumatına görə, aprelin 26-dək Avropaya dənizdən 43 min 490 miqrant keçə bilib. İlin əvvəlindən bu yolda min nəfər həlak olub.

Buna da bax: Türkiyə 50 min Suriya qaçqınını azad etdiyi ərazilərə qaytarmaq istəyir

Ötən ilsə 4 min 500 miqrantın öldüyü, dənizdə batdığı, itkin düşdüyü qeyd edilir.