Türkiyə 50 min Suriya qaçqınını ölkənin Suriya ilə sərhədində azad etdiyi ərazilərə qaytara bilər. Bu barədə xarici işlər naziri Mevlut Cavusoglu deyib.
3 gün əvvəl baş nazir Binali Yildirim bəyan etmişdi ki, Türkiyə ordusu Suriyanın bu ölkə ilə sərhəd bölgəsində apardığı anti terrorizm əməliyyatlarını dayandırır.
Türkiyə bu əməliyyatlara bu ilin avqustun başlamış, özünü İslam Dövləti adlandıran yaraqlıların sərhəddə ələ keçirdiyi əraziləri geri qaytatmağa çalışmışdı.
Cavusoglu deyib ki, artıq azad edilmiş ərazilərdə təhlükəsizliyə nəzarət yerli qüvvələrin əlindədir.
Cavusoglu bildirib ki, adamlar bu yerlərə qayıtmağa başlayıb:
“Bizim əsgərlər hələ də ordadır. Bizim burda olmağımıza ehtiyac var”.
Hərbi əməliyyatlarla onlarla türk hərbçisi həlak olub.
Suriya müharibəsi başlayandan bəri 300 min adam ölüb, milyonlarla adam qaçqın düşüb. Suriya münaqişəsinə görə Avropada miqrant böhranı yaranıb.
Türkiyə Suriya prezidenti Bashar al-Assad-a qarşı döyüşən üsyançıların bir qrupunu dəstəkləyir.