Keçid linkləri

Təcili xəbərlər
2018, 27 Aprel, Cümə, Bakı vaxtı 02:50

Tikintidə müqaviləsiz işləyənlərə kamera ilə nəzarət ediləcək


Bakıda tikinti

Prezident İlham Əliyev aprelin 28-də tikinti sahəsində qeyri-rəsmi əmək münasibətlərinin önlənməsindən ötrü nəzarətin gücləndirilməsi haqqında fərman imzalayıb.

Sənəddə yazılır ki, məqsəd tikinti sahəsində vətəndaşların əmək hüquqlarının qorunması, sosial təminatlardan yararlanmasının təmin edilməsi, əmək münasibətlərinin rəsmiləşdirilməsinə nəzarətin gücləndirilməsidir.

Buna da bax:​ 'İri tikinti şirkətləri kiçikləri sıradan çıxarıb'

Fərmana görə, ilkin mərhələdə Bakıda tikinti sektorunda qeyri-rəsmi əmək münasibətlərinin qarşısının alınması məqsədilə pilot layihə həyata keçiriləcək.

Layihə çərçivəsində tikinti obyektlərinin, obyektlərin inşası ilə məşğul olan fiziki və hüquqi şəxslərin elektron reyestri yaradılacaq.

Fərmanda həmçinin, əmək müqaviləsi olmadan işə cəlb edilən şəxslərin müəyyən edilməsi məqsədilə tikinti obyektlərində müşahidə kameralarının quraşdırılması nəzərdə tutulur. Kameralar tikintini həyata keçirən fiziki və ya hüquqi şəxslərin vəsaiti hesabına quraşdırılacaq.

Buna da bax: Əsas vəsaitlər hara xərclənib?

Sənəddə Prezident yanında Vətəndaşlara Xidmət və Sosial İnnovasiyalar üzrə Dövlət Agentliyində Əmək Münasibətlərinin Monitorinqi Mərkəzinin yaradılması da nəzərdə tutulur.

Fərmana görə, Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin ştat sayı azaldılacaq. Buna paralel olaraq, Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin işçilərinin say həddi 50 ştat vahidi artırılacaq.

Günün bütün mövzuları

XS
SM
MD
LG