Keçid linkləri

Təcili xəbərlər
2018, 26 May, şənbə, Bakı vaxtı 15:42

İranlı amerikalı Trump-a müraciət etdi


Baquer Namazi və Siamak Namazi

İranda saxlanmış iki iranlı amerikalının yaxını Tehranın Evin həbsxanasında səhhətlərinin pisləşdiyini deyir və ABŞ prezidenti Donald Trump-ı çağırır ki, azadlığa çıxmaqlarından ötrü çalışsın.

Siamak Namazi atası Baquer Namazi ilə birlikdə ötən il 10 illik həbsə məhkum ediliblər. Onlar «düşmən dövlət olan Birləşmiş Ştatlarla gizli sövdələşmə»də təqsirli biliniblər.

O vaxtdan Babak Namazi atasını və qardaşının buraxılmasına çalışır. O, ittihamların saxta olduğunu, yaxınlarının ABŞ-a təzyiq məqsədiylə saxlandığını deyir.

Namazi aprelin 25-də deyib ki, prezidentin onun yaxınlarının həyatlarından ötrü şəxsən məsuliyyət götürəcəyinə inanır. Namazi yada salır ki, Trump İranın amerikalıları girov götürməsinə imkan verməyəcəyini söyləyib.

Namazi ailəsi 1979-cu il islam inqilabından sonra İrandan qaçıb, amma bu ölkəylə biznes əlaqələrini saxlayıb. Siamak Namazi 2015-ci ilin sonunda saxlanıb. Daha öncə sərt xətt tərəfdarları onun İran-ABŞ münasibətlərinin yaxşılaşdırılmasına çağıran fikirlərini tənqid edirdilər.

80 yaşlı atası isə UNICEF-in keçmiş təmsilçisidir. O, oğlunun buraxılmasından ötrü İrana gəlincə həbsə atılıb.

Günün bütün mövzuları

XS
SM
MD
LG