Keçid linkləri

2017, 22 Oktyabr, bazar, Bakı vaxtı 18:00

Avropa Məhkəməsi yeni şikayətləri araşdırır


Avropa İnsan Hüquqları Məhkəməsi

Avropa İnsan Haqları Məhkəməsi (AİHM) Azərbaycanla bağlı daha 4 şikayəti araşdırmağa başlayıb. Sözügedən şikayətlər əsasən, mülkiyyət və ifadə azadlığı hüququnun pozuntusundan verilib.

Bu haqda məhkəmənin saytı xəbər verir.

Buna da bax:​ Avropa Məhkəməsi Elmar Hüseynovla bağlı qərarını açıqlayacaq

Şikayətlərdən biri “Yehova Şahidləri” dini icmasının Azərbaycanda məhkəmə işi ilə bağlıdır. Adıçəkilən şikayətdə 8 il əvvəl icmanın Azərbaycana dini məzmunlu kitablar gətirməsinə qadağa qoyulmasından bəhs edilir. Dini icma hesab edir ki, bu, onların Avropa Konvensiyasının 9-cu (vicdan azadlığı), 10-cu (ifadə azadlığı) və 14-cü (dini ayrı seçkilik) maddələrində nəzərdə tutulan hüquqlarını pozub.

“Cahangirov və başqaları Azərbaycana qarşı” işi üzrə şikayət evlərin, ofislərin dövlət ehtiyaclarından ötrü vətəndaşlardan alınması ilə bağlıdır. Həmin işdə 22 vətəndaş şikayətçidir. Həmin şikayətçilər ədalətli məhkəmə araşdırması və mülkiyyət hüquqlarının pozulduğunu iddia edirlər.

Buna da bax: Italyan deputata ödənən pulun prezident ailəsi ilə əlaqəsi üzə çıxır

“Kapelko və digərləri Azərbaycan qarşı” işdə də şikayətçilər mülkiyyət hüquqlarının pozulduğunu iddia edirlər. Həmin işdə 5 vətəndaşın mülkiyyətinin Bakıda aparılan abadlaşma işləri əsası ilə alınmasından söhbət gedir.

“Quliyeva Azərbaycana qarşı” işdə də mülkiyyət hüququnun pozuntusundan şikayət olunub.

Bütün şikayətlərdə pozuntuların tanınması və hökumətin bu pozuntulara görə təzminat ödəməsi istənilir.

Buna da bax:​ Avropa Məhkəməsi Azərbaycanla bağlı 10-dan artıq qərarını elan edəcək

Avropa İnsan Hüquqları Məhkəməsi həmin işlərlə bağlı, artıq hökumətə suallar göndərib.

Ötən həftə AİHM Azərbaycandan göndərilən 11 şikayətlə bağlı qərar çıxararaq hökuməti 82 min avro cərimələnmişdi. Həmin şikayətlərdə isə sərbəst toplaşmaq hüququnun pozulduğundan bəhs edilirdi.

Son illər Azərbaycandan AİHM-ə göndərilən şikayətlərin artdığı bildirilir.

Günün bütün mövzuları

XS
SM
MD
LG