Keçid linkləri

Təcili xəbərlər
2018, 27 May, bazar, Bakı vaxtı 12:06

"Karlos Şakal" 3-cü dəfə ömürlük həbsə məhkum edildi


Ilyich-Ramirez-Sanchez

Fransa məhkəməsi tanınmış terrorçulardan sayılan “Karlos Şakal” ləqəbli İliç Ramires Sancesi (Ilyich Ramírez Sanchez) növbəti dəfə ömürlük həbs cəzasına məhkum edib.

Reuters agentliyinin məlumatına görə, əslən Venesueladan olan Sançes 1974-cü ildə Parisdə aptekin partladılmasına görə 3-cü müddətə ömürlük azadlıqdan məhrum edilib. Həmin partlayışda 2 nəfər ölmüş, 34 nəfər yaralanmışdı.

“Karlos Şakal” 1994-cü ildə Sudanda saxlanaraq Fransaya təhvil verilib.

O, 2011-ci ildə Fransa ərazisindəki 4 partlayışa görə ömürlük həbsə məhkum edilib. Həmin terror aktlarında 11 nəfər ölmüş,100-dən çox adam yaralanmışdı.

67 yaşlı Karlos Şakal artıq onda 1975-ci ildə Fransa məxvi xidmətinin iki agenti və polis informatorunun ölümünə görə ömürlük həbs cəzası çəkirdi. Bu hökm ona 1997-ci ildə çıxarılıb.

1981-ci ildə Azadlıq Radiosunun Münhendəki binasındakı partlayışı da Karlos Şakalın təşkil etdiyi güman olunurdu. Həmin partlayışda 5 nəfər yaralanmışdı.

Günün bütün mövzuları

XS
SM
MD
LG