67-ci Berlin Kino Festivalının mükfatlarının təqdimetmə mərasimi dünən fevralın 19-u baş tutub. Festivalın baş mükafatı olan "Qızıl ayı" macar rejissoru Ildikó Enyedi'yə sevgi əhvalatından bəhs edən "Testről és lélekről" ("Bədən və ruh haqda") filminə görə verilib. Bu haqda Berlinalenin saytında məlumat verilir.
Rejissor Ildikó Enyedi deyir ki, film "əvvəlcə təkbaşına, sonra isə birlikdə emosional və fiziki ehtiraslar aləmini kəşf edən cütlüyün həyatından bəhs edir". Filmdə hadisələr Budapeşt şəhərində baş verir.
Berlin film festivalının baş mükafatı "Qızıl ayı"ya layiq görülmüş Ildikó Enyedi'nin "Bədən və ruh haqda" filminin treyleri.
Münsiflətin qran-pri mükafatı isə Seneqal mənşəlli fransız rejissoru Alain Gomis'in "Felicite" filminə verilib. Filmdə Kinşasadan olan müğəni qadının qəzaya düşüb xəstəxanya aparılmış oğlunun sağalması üçün üçün cəsur mübarizəsindən bəhs edir.
Buna da bax: Qırğız və gürcü filmləri Berlinaledə. Azərbaycan yenə yoxdur...
Festivalın ikinci dərəcəli mükafatı "Gümüş ayı" isə fin rejissoru Aki Kaurismäki'yə "Ümüdün o biri üzü" filminə görə verilib. Film Avropa kinomatoqrafiyasında son dövr çox yayılmış qaçqınlar mövzusuna həsr olunub. Kaurismäki'nin özünəməxsus komik və humanizm stilində çəkdiyi film Finlandiyada yaşan suriyalı qaçqınla finlaniyalı restoran sahibinin aralarında baş verən əhvalatdan bəhs edir. Xatırladaq ki, 59 yaşlı Aki Kaurismäki elə bu festivalda pərəstişkarlarına pis xəbəri də vermiş, festivaldan sonra kariyerasını bitirəcəyini elan etmişdi.
Berlinaledə ən yaxşı aktrisaya verilən "Gümüş ayı" mükafatı Cənubi Koreyada çəkilmiş "Gecə qumsalda tək" filminə görə Kim Minhee'yə verilib. Film evli rejissorun aktrisa ilə yaşadığı sevgi macərasından bəhs edir.
Buna da bax: Sovet Gürcüstanı haqda film çəkmiş rejissor "Berlinale"də iştirakından danışır
Festivalın "Alman kinosu" bölümündə iştirak edən üç alman filmindən ancaq biri, türk əsilli alman rejissor Thomas Arslan'ın çəkdiyi "Helle Nächte" (Aydın gecələr) filminin baş rolunu oynayan Georg Friedrich ən yaxşı aktyor roluna görə aldı.
Festivalın "Panorama" bölümündə iştirak edən filmlər arasında isə "Ən yaxşı film" mükafatını "Estiu 1993" (Yazı 1993) adlı ispan filminə görə rejissor Carla Simon alıb.
