Məşhur filn rejissoru Aki Kaurismäki kariyerasını bitirməyə qərar verib. Bu haqda o Berlinale film festivalında "Yle" qəzetinə müsahibəsində bildirib.
"Mən yorulmuşam. Axır ki, həyatımı yaşamağa başlamaq istəyirəm" - deyə Kaurismäki jurnalistin sualına cavab verib. "Əlbəttə bundan öncə də belə bəyanatlar vermişəm, amma bu dəfə fikrim qətidiri" - deyə o əlavə edib.
Aki Kaurismäki Berlin film festivalına yeni filmi "Ümüdün o biri üzü" ilə qatılıb. 59 yaşlı rejissor bu filminin son ola biləcəyini bildirib.
Buna da bax: Qırğız və gürcü filmləri Berlinaledə. Azərbaycan yenə yoxdur...
Bundan öncə də Kaurismäki 1994-cü ildə Berlin film festivalında iştirakı zamanı polşalı həmkarı Krzysztof Kieślowski ilə birgə kariyerasını bitirəcəyini demişdi, ancaq sonradan o yeni filmlər çəkməyə davam etdi.
Dünyaca məşhur fin rejissoru Aki Kaurismäki indiyə kimi 18 tammetrajlı film çəkib. Onun filmləri "Oscar"a da namizəd olub. O hətta bir dəfə ABŞ-ın xarici siyasətinə etiraz olaraq "Oscar" mükafatının təqdimetma mərasimində iştirakdan imtina etmişdi.