Amil Məmibəyli
Şeirlər
Görünməyən yerdən vurulan zərbələr kimi
evin görünməyən yerindən
göy otlar çıxar, göy otlar göyərər,
vicdan məhbuslarının evində.
Oboyların dərisi saralar, soyulub tökülər.
Qab-qacaq, ən ağır işgəncəni çəkirmiş kimi
tavanın altda başına su damcılıyar.
Günəş belə qorxar evə düşməyə,
heç vaxt görünməyən,
qorxaq həşəratlar belə üzə çıxar,
hər yeri basar və nəhayət...
Qaysaq bağlamış yara kimi
döyülmüş, çırpılmış qapının
möhürlənmiş möhürü quruyub qopar, düşər.
Ancaq yarı sağalmaz, azadlığın yarası.
***
İş, ev, çörək, televizor.
İş, ev, çörək, televizor.
İş, ev, çörək, televizor.
İş, ev, çörək, televizor.
İş, ev, çörək, televizor.
Ev, çörək, televizor.
Ev, çörək, televizor.
.
Ev, çörək, televizor.
Ev, çörək, televizor.
Ev, çörək, televizor.
Ev, çörək, televizor.
Ev, çörək, televizor.
Ev, televizor.
Ev, televizor.
Ev, televizor
Ev, televizor.
Ev, televizor.
Ev, televizor.
Ev, televizor.
Ev.
Ev.
.
Ev.
Ev.
Ev.
Ev.
Ev satılır.
Ev satılır.
.
Çörək.
Çörək.
Çörək.
Çörə.
Çör.
Çö.
Ç.
Buna da bax: Allahın şeytan sanıb bizə atdığı daşlar...
***
İnsanların üzərində pul olmayandan sonra başlayır,
pulun üzərində insan şəkili çap etmək.
***
Qız övladı istəməyən ataların kafеsində belə yazılır
- Ofisiant qız tələb olunur.
***
Mən, saatı 1 manat olan dayanacağam.
Altımda kanalizasiya boruları,
üstümdə azadlıq meydanı var.
Altımdan şəhərin bütün pox-püsürü,
üstümdən tanklar və "şumaxer"-lər keçir
və adət eləmiş dilənçilər kimi
tez-tez soruşurlar məndən.
- bağışlayın, bəlkə üstünüzdə iyirmi adam ola.
***
Tutub əllərini, qatlayıb arxasına,
qandal vuracaqdılar qollarına.
Dünən isə əlləri
gül tutmuşdu arxasında.
***
O qədər güllə az imiş kimi
bu dəfə güllə ruhuna dəydi.
Doldur...Diqqət...Atəş.
***
Üstümə şər,ciblərimə şey,
sözlərimə şeir atın.
Buna da bax: Dünyanda nəyi dəyişə bildin ki, deyək: hə, dəyişdi dünyasını
***
Nə zalımdı bu dünya Tanrım.
Kiminsə əlinə düşməmək üçün
kiminsə ayaqlarına düşmək lazım.
***
Bəlkə...bəlkə onda qədrini bilə.
Qəfil ağaclar adamlara,adamlar ağaca çevrilə.
Ağaclar yeriyə,ağaclar danışa.
Süni dekorativ adamlar çıxardılıb yerindən,
ən dərinə gedəcək,köklü adamlar becərilə.
"İnsanlığı kəsməyin" deyə,
ağaclar toplaşa,meşələr mintinq eliyə.
İnsanlıq əkilə hər yanda,
xalq salına hər yerdə.
