Nazarbayev:"Varislik bizlik deyil"

Qazaxıstan prezidenti Nursultan Nazarbayev hakimiyyətin varisə ötürülməsi senarisi barədə düşünmədiyini deyir.

O bunu, “Bloomberg” agentliyinə müsahibəsində deyib.

“Heç kimi yamsılamıram.Uşaqlarıma davamçım kimi baxmıram, bu bizlik deyil”, deyə Nazarbayev bildirib.

Nazarbayev deyib ki, hakimiyyətin verilməsi konstitusiya çərçivəsində həyata keçiriləcək.

O, həmçinin 2010-ci ilədək işləmək fikrində olduğunu vurğulayıb, amma deyib ki, hələlilk yeni müddətdən danışmaq tezdir, hər şey sağlamlıq və xalqın dəstəyindən aslıdır.

76 yaşlı Nazarbayev 1991-ci ildən Qazaxıstanın dəyişməz prezidentidir.

Ölkə konstitusiyasına görə, onun prezidentlik uğrunda mübarizə aparmasına məhdudiyyət yoxdur.

“Millətin lideri” statusu isə ona hətta istefadan sonra toğunulmazlıq hüququ verir.