Martın 20-i Beynəlxalq Xoşbəxtlik Günüdür.
Dünya Xoşbəxlik Hesabatı - 2016-nın yeni tamamlanmış variantına görə dünyada ən xoşbəxt ölkə Danimarkadır. Sonrakı yerlərdə İsveçrə, İslandiya gəlir.
İlk onluqda ABŞ , Britaniya, Fransa, Almaniya kimi ölkələr yoxdur.
BMT üçün hesabatı hazırlayan Sustainable Development Solutions Network təşkilatı bildirir ki, xoşbəxtlik insanın rifahını ayrıca götürülmüş gəlir, kasıblıq, təhsil, səhiyyə kimi indikatorlardan daha yaxşı göstərir.
Hesabat müəlliflərinin fikrincə, qeyri-bərabərlik az olan cəmiyyətlərdə insanlar daha xoşbəxtdirlər.
Azərbaycan 156 ölkə arasında 81-ci yerdədir. Maraqlıdır ki, Ermənistan və Gürcüstan siyahının sonundadırlar. Ermənistan 121-ci, Gürcüstan 126-cıdır. Özbəkistan, Qazaxıstan kimi ölkələr isə kifayət qədər yuxarıdadırlar: Özbəkistan 49-cu, Qazaxıstan 54-cüdür.
