Şəhidlər Xiyabanı deyərkən, Azərbaycanda 1990-cı il 20 yanvar qurbanlarının, daha sonra Qarabağ savaşında həyatından keçənlərin dəfn olunduğu məkan ağla gəlir. Amma 2-ci Fəxri Xiyaban deyilən bir yer də var - tam adı «2 saylı Fəxri və Şəhidlər Xiyabanı»dır.
Bura iki hissəyə ayrılır. Bir hissəsində ölkənin mədəniyyət və incəsənət xadimlərinin, görkəmli elm adamlarının, bir sözlə, tanınmış simaların, digər hissəsində, əsasən, 1994-cü ildə Qarabağ savaşında həyatını itirənlərin məzarları yerləşir. Atəşkəs dövründə həlak olan əsgərlərin də bəziləri bu məkanda dəfn olunub.
