Maaşları nə ilə verəcəklər?
İqtisadçı Azər Mehtiyev: "büdcənin gəlirlərinin toplanması ilə bağlı problemlər gözlə görünür. Ötən il bu problemlərin həllində nisbətən devalvasiyanın rolu oldu, yəni valyutanın artan kursu ilə bu vəsaiti ödəmək imkanı yarandı. Bu il isə hökumət devalvasiyaya getmək istəmir, əslində, artıq bunun üçün də imkanlar məhdudlaşıb. Bu halda yeganə mənbə real şəkildə vergi daxilolmalarının artırılmasına nail olmaqdır. Bu da baş verməsə, ən böyük ehtimalla dövriyyəyə əlavə manat buraxılmasıdır, bu zaman isə inflyasiyanın sürətlənməsi baş verə bilər."
10 faiz pensiyaçının hansı dərdinə dərmandır?
Təqaüdçü qadın deyir ki, bu 10 manat bəlkə daha az nisyə ərzaq almağa kömək eləyə.
“Xəstəyəm, həkimə getdim, yazdığı dərmanları ala bilmirəm. Dərman da, ərzaq da bahadır. Bir kilo kartof aldım, bir dənə də çörək. Kartofu hələ nisyə almışam. Pensiyaçının günü, bax, belədir. 5 manatla, 10 manatla düzələn iş deyil bu...”
Fevralın 1-dən yaşa görə əmək pensiyalarının baza hissəsi 10 faiz artırılır. Prezidentin sərəncamı ölkədəki 1 milyon 296 min pensiyaçıdan təxminən 1 milyon 223 mininə aid ediləcək.
Bu günki AzadlıqLive-da:
20 Yanvar faciəsinin 26-cı ildönümüdür
10 faizlik artım pensiyaçının hansı dərdinə dərman olacaq? İqtisadçı Qadir İbrahimli deyir ki, devalvasiyadan qabaq da Azərbaycanda pensiyalar MDB ölkələri göstəricilərindən aşağı idi
Milli Məclisin sosial siyasət komitəsinin üzvü Araz Əlizadə isə deyir ki, əsas olan bahalanmanın qabağını almaqdır
Maaşları, pensiyaları qaldırırlar, büdcə bunun öhdəsindən gələ biləcəkmi? İqtisadçı Azər Mehtiyev deyir ki, burda problem yarana bilər
«DOLLARLAŞMAYA MƏRKƏZİ BANK RƏVAC VERİB»
Bank məsələləri eksperti Əkrəm Həsənovun fikrincə, əslində, MB-nin özü dollarlaşmaya rəvac verib:
«Manatın devalvasiyasının ilk dalğasından (fevral, 2015-ci il) sonra banklardan manatla kredit götürmək xeyli çətinləşdi. Mərkəzi Bank da buna tam şərait yaratdı: açıq valyuta mövqeyi limitini ləğv etdi. Yəni, xarici valyutada əməliyyatların yuxarı həddini ləğv etməklə banklara milli valyutadan imtinaya - əməliyyatlarını dollarla aparmağa imkan yaratdı. Başqa sözlə, dollarlaşmaya rəvac verdi. Bununla da devalvasiyanın ikinci dalğası qaçılmaz oldu». Media icmalı