Ələtdə "Honkonq" yaradılacaq
Azərbaycan Ələtdə yeni azad iqtisadi zonanın yaradılmasına 1 mlrd. ABŞ dolları cəlb edə bilər. Yeni azad iqtisadi zonanın qəsəbədə inşa olunan Bakı limanı ətrafında tikilməsi nəzərdə tutulur.
Bu barədə «Report»a «Bakı Beynəlxalq Dəniz Ticarət Limanı» QSC-nin baş direktoru Taleh Ziyadov bildirib.
Onun sözlərinə görə, layihənin ilkin konseptual planı hazırlanıb və dövlət başçısının rəyi gözlənilir.
«Hesab edirik ki, orada Honkonq kimi böyük iqtisadi canlanma üçün azad iqtisadi zona yaradıla və bu, qeyri-neft sektoruna təkan verə bilər. Bu, regionda yükaşırma, paketləmə, saxlama üçün iqtisadi cəhətdən çox lazımlı zona olacaq. Bilavasitə limandan istifadə oluna biləcək», - T.Ziyadov qeyd edib.
Neftin qiyməti 30 dollardan götürülür
2016-cı il üçün Azərbaycanın dövlət büdcəsinin yeni layihəsi hazırlanır.
"APA-Economics"in xəbərinə görə, bunu Azərbaycan Mərkəzi Bankının (AMB) İdarə Heyətinin sədri Elman Rüstəmov deyib.
E. Rüstəmov deyib ki, sənəd neftin yeni, real qiymətlərinə uyğunlaşdırılır: "Büdcə layihəsində neftin baza qiyməti 30 dollardan götürüləcək, yəni təsdiq olunmuş dövlət büdcəsindəki rəqəmdən 20 dollar aşağı".
Mirzə Xəzər 20 Yanvara qayıdır...
Dünyada 197 milyon adam işsizdir, yaxın 2 ilə vəziyyət düzəlməyəcək
Dünyada 197,1 milyon adam işsizdir. Bunu Beynəlxalq Əmək Təşkilatı öz yeni hesabatında bildirir. 2016-cı ildə işsizlərin sayı 2,3 milyon artacaq və 199,4 milyona çatacaq.
2017-ci ildə təşkilatın ehtimalına görə, işsizlər yenə 1,1 milyon nəfər artmalıdır.