- İran vətəndaşı 23 yaşlı Hüsaməddin Fərzizadənin kitabı "Qanun" nəşriyyatında çap edilib. Yazar bu kitabına görə, İran məhkəməsi tərəfindən edama məhkum edilib.
Hüsaməddin Fərzizadənin "İslamdan İslama qədər" kitabını fars dilindən Azərbaycan türkcəsinə Güntay Gəncalp tərcümə edib.
Kitabın tanıtım bölməsində deyilir:
"İran vətəndaşı bir türk gəncin dinşünaslıq üzərinə araşdırmalarını ehtiva edən kiçik həcmli bu kitabda bir çox tarixi suallara cavab verilməyə çalışılır.
Yazar dinşünaslığa fərqli bir metodla yanaşır və İslam tarixində ortaya çıxan bir çox bilgiləri sual altına alır. Bu kiçikhəcmli kitabına görə edama məhkum edilən gənc araşdırmaçının əsəri oxuculara fərqli bilgilər verəcəkdir."
