"Başqa dairələrdə seçki necə keçirilibsə, elə 90 saylı dairədə də elə keçirilib"
Noyabrın 17-də MSK 90 saylı Ağdaş Seçki Dairəsində seçkinin nəticələrini ləğv etdi. Yada salaq ki, bu dairədə lider namizəd bitərəf, IV çağırış Milli Məclisin deputatı Çingiz Əsədullayev idi.
MSK-nın Ümid Partiyasından olan üzvü, hüquqşünas Akif Qurbanov: "...Əslində başqa dairələrdə seçki necə keçirilmişdisə, 90 saylı Ağdaş Seçki Dairəsində də elə keçirilib. Yəni, başqa dairələrdə də bülletenlərin sayı ilə protokollardakı rəqəmlərin uyğun gəlməməsi ilə bağlı şikayətlər olub. Başqa dairələrdə də seçkiyə kənardan müdaxilələr olub..." Akif Qurbanovla söhbət
“Azərbaycanda canavarların olması yaxşı haldır”
Bunu noyabrın 18-də jurnlaistlərlə söhbətində Ekologiya və təbii sərvətlər naziri Hüseyn Bağırov deyib.
Nazir deyib ki, Azərbaycanda heç kim məqsədli şəkildə canavarları insanların üstünə yeritmir. Bu insanın yaratdığı problemdir: “İnsan torpaqları işğal etdiiyndən canavarların təbii arealı daralır, təbii yem bazası azalır. Başqa tərəfdən də qanun canavar hücum etdikdə ondan qorunmağı qadağan etmir. Heç kim deməsin ki, bizi canavarların qarşısını almağa qoymurlar. Əgər biz istəyiriksə Azərbaycanın dağları, meşələri qalsın, həyatımızı buna uyğun şəkildə qurmalıyıq".
Prezident deyir ki, qiymətlərə özü nəzarət edəcək
Qazaxıstan prezidenti Nursultan Nazarbayev hökumətin iclasında deyib ki, əgər müvafiq idarələr nəzarət edə bilmirsə, onda onun özü bazara gedib, qiymətlərə nəzarət edəcək.
O narazılığını bildirib ki, ərzaq qiymətləri niyə bahadır? informburo.kz-ın məlumatına görə, prezident deyib ki, "arada alıb-satan vasitəçiləri yığışdırın!"
"Onlar bilirlər ki, xalqı uçuruma aparırlar"
Azərbaycanın Niderland Krallığındakı səfirliyinin işdən çıxarılan, sonra Bakıya qayıtmaqdan imtina edən keçmiş konsulu Nahid Cəfərov Azadlıq Radiosuna deyir ki, diplomat Arif Məmmədovu əslində Facebook-da yazdığına görə çıxartmadılar.
Əsil səbəb başqa idi. Müsahibədəın bir hissə:
Arif Məmmədovun yazdığını “like” edənlərin başına nə gəldi və nəyə məcbur edildilər? “onların cəmi 3 nəfəri işdə qala bildi. Onlara çox utancverici sənəd imzalatdırdılar”
Azərbaycanda bu işlərin axırı necə olacaq? – Nahid Cəfərov deyir ki, hakimiyyət üçün yaxşı olmayacaq: “Onlar bilirlər ki, höküməti uçuruma aparlırlar, xalqı uçuruma aparırlar”