Bu günki AzadlıqLive-da :
İnternet niyə zəifdir? Nazirlik deyir, 2-3 saata bərpa olunacaq
Rusiya elitasının milyarder uşaqları
Aztelekom” MMC-nin baş direktoru saxlandı
“Aztelekom” MMC-nin baş direktoru Məhəmməd Məmmədov saxlanılıb.
Məlumatı Trend yayıb. Bildirilir ki, M.Məmmədov Rabitə və Yüksək Texnologiyalar Nazirliyində külli miqdarda dövlət vəsaitinin mənimsənilməsi faktı ilə əlaqədar saxlanılıb.
O da deyilir ki, Məhəmməd Məmmədovla bərabər daha bir neçə vəzifəli şəxs saxlanılıb.
Saxlanılanlar arasında “Aztelekom” MMC-nin baş mühasibi Oqtay Rüstəmov da var
Sözügüdən həbslər barədə hələ ki rəsmi məlumat yoxdur.
Keçmiş nazirləri hansı cəza gözləyir?
«Azadlıq» qəzeti «baş verənlərə görə nazirlər Eldar Mahmudov və Əli Abbasov hansı məsuliyyəti daşıyırlar? Rəhbər strukturlarda çalışanların həbsinin fonunda nazirlərin azadlıqda qalması mümkündürmü?» suallarına cavab tapmağa çalışıb.
Hüquqşünas Müzəffər Baxışovun fikrincə, əgər hər iki nazirliyin işçilərinin törətdiyi cinayətdən nazirlərin xəbəri olmayıbsa, bu, onlara tapşırılan vəzifənin öhdəsindən gəlməməsi deməkdir:
M.Baxışov baş verənlərin dəhşətli faktlar ortaya çıxardığını dedi: «Məlum oldu ki, hədə-qorxu, soyğunçuluqla, rüşvət almaqla, vəzifədən sui-istifadə etməklə bütün cinayətlərin başında Eldar Mahmudov dayanıb. Eldar Mahmudova bu cinayətlərə görə ittiham verilməli, onun barəsində həbs-qətimkan tədbiri seçilməli idi. Azərbaycan hüquq dövləti olmadığına görə burada nazirlərin həbsi ilə bağlı yalnız siyasi rəhbərliyin göstərişi olmalıdır».
"Azərinşaat" işçiləri yenə aksiya keçirir
Bir neçə aydır ödənilməyən əmək haqlarını tələb edən «Azərinşaat»ın işçiləri noyabrın 17-də yenidən şirkətin Dərnəgüldəki ofisinə doğru yürüş edib.
Bu barədə AzadlıqRadiosuna işçilərdən biri – Rüstəm Musayev məlumat verib. Deyir ki, hazırda 150-yə yaxın işçi «Azərinşaat»ın binası önündədir:
««Elit» Ticarət Mərkəzinin qarşısından şirkətin ofisinə doğru yürüş etməyə çalışdıq. Polis qarşımızı kəsdi, imkan vermədi. Bizi yığıb gətirdilər «Azərinşaat»ın həyətinə. İndi «Azəryolservis»in iki əməkdaşı buradadır, bizimlə söhbətə gəliblər. Yenə vəd verirlər, amma biz artıq bu vədlərə inanmırıq. Verdikləri 10 günlük vəd artıq ayın 14-də başa çatıb».