Rusiya təyyarəsinin partladıldığı rəsmi təsdiqləndi
Rusiyanın Federal Təhlükəsizlik Xidməti oktyabrın 31-də Misirin Sinay yarımadasında qəzaya uğramış Rusiya təyyarəsinin partladıldığını təsdiqləyib.
Misirin Şarm-əl-Şeyx şəhərindən Sankt-Peterburqa uçan «Airbus A321» təyyarəsindəki qəza 224 nəfərin ölümünə səbəb olmuşdu.Ölənlərin hamısı rusiyalı idi.
Noyabrın 16-da prezident Vladimir Putinin rəhbərliyi keçirilən iclasda Federal Təhlükəsizlik Xidmətinin rəhbəri Aleksandr Bortnikov deyib ki, təyyarə havada ikən əldəqayırma partlayıcı qurğu partlayıb.
“Dünyanın harasında olmasından asılı olmayaraq, biz bu terror aktının arxasında dayananı tapıb cəzalandıracayıq” – Vladimir Putin belə deyib.
Terror qurbanları 9 dəfə artıb
Terror qurbanlarının sayı 2014-cü ildə 80 faiz artaraq 32 min 658 nəfərə çatıb. Bu, XXI ısrin əvvəli ilə müqayisədə 9 dəfə artım deməkdir.
Bu qənaətə İqtisadiyyat və Sülh İnstitutu (The Institute for Economics and Peace) gəlib. İnstitut “Terrorizmin qlobal indeksi”ni (Global Terrorism Index)açıqlayıb.
Ümumi göstəricinin 78 faizini Əfqanıstan, İraq, Nigeriya, Pakistan və Suriyada ölənlər təşkil edir. 2014-cü ilin 51 faiz qurbanları özünü “İslam dövləti” adlandıran ekstremist qruplaşmanın və əsasən Nigeriyada fəaliyyət göstərən “Boko Haram” yaraqlılarının törəkdikləri terror aktları nəticəsində həyatlarını itiriblər.
Ötən il ərzində terror nəticəsində azı 1 nəfərin belə həyatını itirdiyi 67 ölkə qeydə alınıb. Bu, 2013-cü illə müqayisədə 8 ölkə daha çox deməkdir.
Terror aktlarının vurduğu iqtisadi zərərə gəlincə, institut əməkdaşları bunun 53 milyard dollar olduğunu deyirlər.
Hesabatda yer üzünün 99 faiz əhalisinin yaşadığı 162 ölkədəki vəziyyət təhlil olunur.
"Xalqın ümidi əlindən alındı"
«Meydan hərəkatının qəhrəmanlarının bəzisi indi həbsdə, bəzisi məzarda, bəzisi mühacirətdədir. Bəzilərinin də milli-mənəvi dəyərlərində aşınma gedib. Bəziləri isə ölkənin indiki faciələrinə, problemlərinə baxıb təəssüflə yaşamaqdadırlar».
Bunu Azadlıq Radiosuna Meydan hərəkatının fəallarından biri Ənvər Əliyev deyib. Ənvər Əliyev Nemət Pənahlıdan əvvəl, meydanın ilk günlərində nümayişlərə rəhbərlik edib. Meydan hadisələrindən sonra həbs edilib, sonra azadlığa buraxılıb. 2008-ci ildə meydan hadisələrindən bəhs edən kitab çap edib. Müsahibə burada
Eynulla Fətullayev vaxtilə məhkəmədə Çovdarov haqda nə deyirdi?
"Eynulla Fətullayev dedi ki, Akif Çovdarov onunla görüşərkən Elmar Hüseynovla bağlı araşdırmalara son qoymasını tələb edib. Hətta aralarındakı mübahisə o yerə çatıb ki, onlar əlbəyaxa olublar:
«Mən dedim axı, apardığım bütün jurnalist təhqiqatları bir şey göstərir, hər şey gəlib sənə çıxır. Avropa Məhkəməsinə göndərdiyim materiallarda faktlar da göstərmişəm. Ancaq mən bir şeyi başa düşmürəm, siz nəyə görə Elmarı belə qeyri-peşəkarcasına qətlə yetirmisiniz? Mən birbaşa bunu soruşdum. Cavabı bilirsiniz nə oldu hörmətli sədr?
Dedi biz hələ gənc dövlətik».
Eynulla Fətullayev iddia edir ki, Akif Çovdarov Elmar Hüseynovun qətlində əli olduğunu açıq şəkildə etiraf edib: «Mən onun frazalarını bir-bir deyə bilərəm hörmətli sədr. Dedi ki, onu öldürmək azdır, onu yandırmaq lazım idi. Bir də dedi ki, axı biz bunu özümüzə görə etməmişik, atamın sözü ilə etməmişəm ki bunu. Yəni ki, sən məndən nə istəyirsən axı, əl çək məndən. Deyirdi ağzına gələni yazırdı, axırı belə də olmalı idi». 2010-cu il iyunun 17-də Azadlıq Radiosunun reportajı