Kənddə ev tutub dincəlmək istəyənlər üçün qiymətlər

İyul 22, 2015

"Qubada bir ev sahibi var, evində üçulduzlu şərait yaradıb, qonağa hamam xələtinə qədər verir”

Yay tətilində iki-üç gün havasını dəyişmək istəyənlər xaricə gedə bilmirlərsə, Azərbaycanın Bakıya nisbətən yaxın bölgələrinə üz tuturlar.

İndi Qəbələ, Qusar, Quba, Oğuz kimi cəlbedici turizm bölgələri otel sarıdan korluq çəkmir, ancaq heç də hər kəsin gecəsi azı 50-60 manata bu otellərdə qalmağa imkanı yetmir.

Bakıda orta məktəblərin birində müəllimə işləyən İlhamə Məmmədova kimi.

O, ailəsi ilə birgə Qubanın kəndlərindən birinə 2-3 günlük istirahətə gedib və ailəvi istirahət mərkəzində qalıb:

“Gecəsi 25 manata, görkəmsiz bir otaq idi. Hamam-tualetinin şəraiti də o qədər yüksək deyildi. Pərdələr çox pis gündəydi. Ancaq ən ucuz elə buranı tapdıq. Kimin imkanı vardı, bir az yaxşı yer axtarırdı. Biz də maraqlandıq, gecəsi 40 manata idi”.

İlhamə Məmmədova deyir ki, otağa yalnız gecədən-gecəyə girirdilər. Onun sözlərinə görə, manqal, mətbəxdən, samovardan istifadənin də hərəsinin öz qiyməti olub.

Müsahibimiz əlavə edir ki, kənddə onlara südün 1 litri 2 manata, xamanın 200 qramı 4 manata təklif olunub: “Yemək-icməyi də nəzərə alsaq, gün 100 manata başa gəlirdi. Çox bahadı, adamın gücü çatmır”. (Ardı aşağıda)

Toğanalı - imkanlar və reallıqlar

1/16 Göygöl rayonunun turizm mərkəzlərindən biri, Toğanalı kəndinin yüksəklikdən görünüşü.

2/16 Toğanalı kəndi Göygöl rayonunda Gəncə - Kəlbəcər yolunun üstündə yerləşir. Göy Göl və Maral Gölə də getmək istəsəniz bu kənddən keçməli olacaqsınız.

3/16 İlin əsasən yaz - yay ayları hər yerdən qonaq qəbul edən bu kəndin yerli əhalisi qonaqlar qədər bu kənddə sevinə bilmədiklərini deyirlər.

4/16 Kənd sakinləri deyir ki, turizm üçün əlverişli yer olmasına baxmayaraq bu kəndə hələ də təbii qaz gəlmir, içməli su ehtiyacını isə camaat kəndi iki yerə ayıran, Murov dağından axıb kələn Kürəkçayın hesabına ödəyirlər. Kəndin yol problemini isə kənd sakinlərinin deməsinə ehtiyac yoxdur, öz gözlərimizlə gördük. Ümumiyyətlə kənd yolunun vəziyyəti olduqca ağırdır, maşınla hərəkət etmək çətindir.

5/16 Toğanalı kəndi Kürəkçayın hər iki tərəfində, sahil boyu uzandığı üçün hər iki tərəfi birləşdirən bir neçə körpü var. Amma körpülərin vəziyyəti o qədər də təhlükəsiz deyil. Yazda yağıntıların və dağ ətəklərindəki qarların əriməsinə görə çay suyunun səviyyəsi qalxır və körpülər daha da təhlükəli olurlar.

6/16 Toğanalı kəndini iki yerə bölən Kürəkçay və üzərinə qoyulmuş "körpü".

7/16 Toğanalı kəndini iki yerə bölən Kürəkçay və üzərinə qoyulmuş başqa bir körpü.

8/16 Kəndin təhlükəli körpülərindən biri.

9/16 Kənd sakinləri deyir ki, kənd əhalisi ildən ilə azalır, kəndlilər həll olunmayan problemlərin çoxluğundan öz yerlərini tərk edib böyük şəhərlərə gedirlər.

10/16 Kənd əhalisinin əsas qazanc mənbəyi maldarlıq və yay fəslində kəndə gələn turistlərlə etdikləri bazarlıqdır.

13/16 Azyaşlı kənd sakini evinin həndəvərində.

16/16 Toğanalı kəndinin yüksək yerlərindən Kəpəz dağına açılan mənzərə.

“Kəndin yolu elə gündədir ki”

Yayı Göygöl rayonunun Toğana kəndində keçirən 4 nəfərlik Əliyevlər ailəsi də bir kənd evində 1 otaqda gecəsi 20 manatdan qalır. Otağı 20 günlük kirə ediblər, hamam-tualet həyətdədir.

Müsahibimiz əlavə edir ki, kənddə onlara südün 1 litri 2 manata, xamanın 200 qramı 4 manata təklif olunub.

Dilarə Əliyevanın sözlərinə görə, əslində şərait əl verməsə də, məcburiyyətdən burda qalmalı olublar ki, məktəbyaşlı uşaqları bir az havalarını dəyişsinlər:

“Uşaqların əylənməsi üçün də heç bir yer yoxdur. Bura da dağlıq olduğundan uşaqlar heç futbol da oynaya bilmirlər. Kəndin də yolu elə gündədir ki, bir maşın keçəndə bütün toz-torpaq içində olursan. Daha evdə demişəm, gələn il 10 gün qalaq, amma normal yerə gedək, məsələn, Gürcüstana”.

İnternetdə təkliflər

Azərbaycanda indi kirayə verilən kənd evlərini internet vasitəsilə də tapmaq olar. Bölgədən asılı olaraq qiymətlər dəyişir. (Ardı aşağıda)

Turş su

2/22 Rayondan kənarda o qədər də məşhur olmasa da, bu bulaq və ətrafı yerli sakinlərin istirahət üçün əsas seçim yerlərindən biridir.

3/22 El arasında deyildiyinə görə böyrəklərə çox faydası olan bu bulaq o qədər də güclü qaynamır, amma suyu dadlıdır.

4/22 Bulaq Miskinli, Qala kəndindən təqribən 8-10 km uzaqlıqdadır. Yol o qədər də uzaq olmasa da ora getmək hər maşının işi deyil. Sonuncu dəfə ora yolun nə zaman hamarlandığını nə görən, nə də eşidən olub.

5/22 Bölgə turizmi üçün həm təbiəti, həm də mineral tərkibli suyu ilə faydalı ola bilən bu əraziyə nəinki turist, heç yerli əhali də gələ bilmir. Meyli bu bulaq suyundan çəkən yaxınlıqdakı kənd sakinləri bura bir çox halda atlagəlməyə məcbur olurlar.

7/22 Turş suyun yaxınlığında hərbi hissə olduğundan bura əsgər yaxınları üçün də əlverişli görüş yeridir. Onlar burada piknik edir, çay kənarında əsgər qohumları ilə görüşüb söhbətləşirlər.

10/22 Qızmar yay günlərində də bu ərazi sərinləmək üçün əlverişli yerlərdən biridir. Amma yuxarıda qeyd etdiyimiz kimi yolların bərbad halda olması insanları bu imkandan məhrum edir.

11/22 Amma yenə də bu əraziləri boş görmək mümkün deyil.

12/22 Adətən insanlar bura səhər saatlarında gəlib günortadan bir az keçmiş geri qayıdırlar.

17/22 Bəzən isə güclü yağış burda dincələn insanların planını pozur, onlar vaxtından əvvəl geri qayıtmağa məcbur olurlar.

18/22 Buranın yerli sakinləri göydə qara bulud görən kimi əşyalarını toplayıb geri qayıdırlar. Onlar bilgilidir, amma yerlilərdən fərqli olaraq ətraf bölgələrdən bura gələnlər qara buluda önəm vermədikdə, dərhal yola çıxmadıqda özlərini çətinliyə salırlar. Onlar xəbərsizdirlər ki, bir azdan güclü kölək əsəcək, leysan yağacaq. Qısa vaxt ərzində çayın suyu qalxacaq və Qala kəndində maşın çaydan keçə bilməyəcək.

20/22 Qara buludlara önəm verməyib güclü yağış başladığında yolda qalan maşınlar və biz.

22/22 Güclü yağışdan sonra onsuz da təhlükəli olan yollar daha da təhlükəli olur.

“Səyyah.az” saytındakı elanları incələyəndə iki nəfərlik otağın aşağısı 15, yuxarısı 100 manata təklif edildiyini görmək olar. Çox nadir halda, günlük kirayəsi təxminən 50-60 manata təklif edilən evdə internet, paltaryuyan maşın, mətbəx ləvazimatı və s. əşyalar var. Əksər elanlarda otaqda iki çarpayı, peyk antenalı TV və həyətdə manqalın mövcudluğu, hamam-tualetin həyətdə yerləşməsi və kafelli olmağı vurğulanır.

Gürcüstanda 15 dollarlıq fərdi ev 3-4 ulduzlu otel səviyyəsində

Bir çox azərbaycanlının daimi istirahət yerinə çevrilən Gürcüstan bölgələrində də fərdi evlər təklif edilir. Bu təkliflərin hər birində evlərin yüksək komfortlu olması, kondisionerlə, paltaryuyan, qabyuyan maşınlarla, TV-internetlə təchiz edildiyi vurğulanır. Günlük kirayə qiyməti 15 dollardan 50-60 dollara qədər dəyişir.

Azərbaycanla müqayisədə xeyli imkansız olan, daha az maaş, pensiya ilə dolanan gürcü ailəsi turisti razı salmaq, müştərisiz qalmamaq naminə dəridən-qabıqdan çıxır.

Hətta Gürcüstanın kəndlərində belə komfortlu evlər təklif edilir. Azərbaycanla müqayisədə xeyli imkansız olan, daha az maaş, pensiya ilə dolanan gürcü ailəsi turisti razı salmaq, müştərisiz qalmamaq naminə dəridən-qabıqdan çıxır.

Bu günlərdə Gürcüstanın sərhədyanı bölgəsində dincəlmiş Kərimovlar ailəsi danışır ki, 3 nəfərlik ailəyə təxminən 20 manata (45 lari) kirayələdikləri evin şəraiti Tbilisidə 25-30 manata (50-70 lari) qaldıqları hostellərlə eyni imiş. Evin yaxşı təmirli hamam-tualeti, interneti də varmış.

“Bilirsiz, kənd yerinin şəraiti necə olur…”

Şəkinin Kiş kəndində evini gündəlik kirayə verən İlhamə Hüseynova AzadlıqRadiosuna müsahibəsində deyir ki, otaqlar yaxşıdır: “Amma bilirsiz də, rayon, kənd yerində şərait necə olur. Otaqlar pis deyil, amma hamam-tualet həyətdədir, həyətyanı sahə var”. (Ardı aşağıda)

İsti Naxçıvanın sərin «Payız meşəsi»

1/23 "Payız Meşəsi" adlanan bu ərazi Naxçıvan əhlinin yay günlərində dincəlmək üçün üz tutduğu yerlərdən biridir.

2/23 Babək rayonunun Cəhri, Gülşənabad və Payız kəndlərinin yanında yerləşən bu ərazi dağlar arasından axan Cəhri çayının kənarında bir yaşıl adadır. O qədər də böyük olmayan bu meşə massivi çılpaq dağlar arasında bir gözəllikdir.

3/23 Yay günlərində istirahət üçün əhali arasında Batabat qədər populyar olmasa da, Payız meşəsi şəhərə yaxınlığı ilə daha çox seçim ediləndir. Çünki nəzərə alsaq Batabat şəhər mərkəzindən 57 km, Payız meşəsi isə təqribən 20 km uzaqlıqdadır.

4/23 Bura istirahətə gələn insanlar adətən kabablıq üçün qoyun-quzu ilə gəlir. Cəhri çayı ətrafında heyvanlar kəsilir, ocaqlar yandırılır və döşəklər ağac kölgələri altına sərilir.

6/23 Yay günlərində Cəhri çayının suyu isti olsa da Payız meşəsində qaynayan bulaq daha sərindir. Adətən bu bulaq həm də içkilərin sərin qalması üçün də istifadə edilir.

7/23 Uşaqlar arxın qarşısını çimmək üçün kəsirlər.

11/23 Adətən heyvan kəsildikdən sonra kabablıq hissəsi ayrılır, kabab edilir və dərhal yeyilir, yerdə qalan hissə isə bir neçə saat sonra üçün yerli dillə desək "Bozpört" hazırlanır.

13/23 Nahar hazırlığı zamanı gənclər futbol oynayırlar.

15/23 Közdə kabablar hazır olmaq ərəfəsində.

21/23 Payız meşəsinin bir hissəsi ətraf kəndlərin mal-qara, qoyun-quzuları üçün həm də otlaq yeridir. Bu kəndlərin heyvanları səhərdən axşama kimi burada otarılır.

22/23 Mal-qara sürüsü otlaqlardan kəndə qayıdır.

İlhamə Hüseynova deyir ki, o, bu işlə ciddi məşğuldur və artıq içində hamam-tualeti olan ikimərtəbəli, 8 otaqlı ev tikib, amma mətbəx yoxdur. Onun sözlərinə görə, evin yaxınlığında yeməkxana və çayxana tikiblər, arzu edənlər orda nahar-şam edə bilər. Bir gecənin qiyməti isə 20-25 manatdan başlayır.

“Qiyməti otellər tənzimləyir”

Ev sahibi görür ki, yaxınlıqdakı otel gecəsini 100 manata verir, o da kirayəsini 40-50 manat müəyyənləşdirir.

“Səyyah.az” saytının redaktoru Əli Əhmədov deyir ki, hər gün onlarla kirayə elan alıb sayta yerləşdirirlər. Onun sözlərinə görə, bölgələrdə turizm obyektlərinin artması kənd evlərinin də kirayə verilməsi təklifini artırır:

“Məsələn, sizə bir şey deyim, Şahdağ turizm mərkəzi açılanda ora o qədər axın oldu ki, otellərdə yer olmadı, geri qayıtmaq istəməyən yerli turistlər ərtafdakı kəndlərdə yer axtardılar. Kənd camaatı da bunun sərfəli olduğunu gördü”.

Əli Əhmədov deyir ki, kənd evlərinin sahibləri kirayə haqqını bölgədəki otellərə nisbətdə tənzimləyirlər: “Ev sahibi görür ki, yaxınlıqdakı otel gecəsini 100 manata verir, o da kirayəsini 40-50 manat müəyyənləşdirir. İstirahətə gedən şəxs də düşünür ki, onsuz da oteldə bir səhər yeməyi yeyəcəkdim, günorta-axşam yeməyi öz cibimdən olacaq, ondansa, elə gecəsi 40-50 manata qalım. Belə müqayisə imkanı olmayan kəndlərdə qiymət nisbətən ucuz olur”. (Ardı aşağıda)

3 ay işləyib 9 ay dincələn kənd - Aşıqlar.

1/20 Aşıqlar kəndi Göygölün turizm mərkəzi olan Hacıkənd, Toğanalı kəndlərinə, həmçinin Göy Göl və Maral gölə gedən yolun üzərində yerləşir.

2/20 Kənd dağlıq ərazidə olsa da əsasən yol kənarında yerləşdiyindən sakinlərinin əsas geçimi ev məhsullarının turistlərə satılması hesabına təşkil olunur.

4/20 Kənd sakini Sevinc və ailəsi də həyat xərclərini bişirib qapı ağzında "gəlib-gedənə" təklif etdikləri qutab, kətə, çörək və s. hesabına qarşılayırlar.

8/20 Burda müştərilərə təklif olunan məhsullar o qədər də ucuz deyil. Misal üçün 600-700 qramlıq təndir çörəyi 1 azn-dir. Bunu onlar belə izah edir ki, bəs burda qış tez gəlib, gec çıxdığı üçün "pul qazanma mövsümü" çox az olur. Əhali üç ay işləyib doqquz ay bekar qalır. Ona görə məhsulların qiymətinin baha olması başadüşüləndir.

16/20 Aşıqlı kəndinin bir hissəsi və əsas magistral yol.

Müsahibimiz əlavə edir ki, bəzi yerlədə evini günlük kirayə verən ev sahiblərinə təlim də keçirlər, turistlə davranışdan tutmuş, evini müasir tələblərə uyğun təchiz etməyə qədər hər şey öyrədilir.

“Qubada bir ev sahibi var, evində üçulduzlu şərait yaradıb, qonağa hamam xələtinə qədər verir”, deyən Əli Əhmədov ona da diqqət çəkir ki, kəndlərdə sosial-mədəni infrastrukturla bağlı problemlər var:

“Bunun da səbəbi odur ki, koordinasiya yoxdur, yəni bələdiyyə, yerli icra hakimiyyəti görəndə ki, kəndə çoxlu turist gəlir, o zaman kənddə hansısa tədbirlər təşkil etməlidir. Elə ev sahibləri var ki, özləri çalışırlar ki, nəsə fikirləşib tapsınlar”.